പോലീസിനെ തടഞ്ഞുവച്ച് പ്രതികളെ മോചിപ്പിച്ച സംഭവം; പോലീസ് കേസെടുത്തു
![പോലീസിനെ തടഞ്ഞുവച്ച് പ്രതികളെ മോചിപ്പിച്ച സംഭവം; പോലീസ് കേസെടുത്തു](https://timeskerala.com/static/c1e/client/91214/uploaded/9475fb2dc9b2f4c9d4eaf01c32d9d127.webp)
തിരുവനന്തപുരം: പോലീസ് ഉദ്യോഗസ്ഥരെ തടഞ്ഞുവച്ച് പ്രതികളെ മോചിപ്പിച്ച സംഭവത്തില് പോലീസ് കേസെടുത്തു. ബന്ധുക്കള് മോചിപ്പിച്ച പ്രതികളായ നബിന്, കൈഫ് എന്നിവരേ പോലീസ് വീണ്ടും അറസ്റ്റുചെയ്യുകയുംചെയ്തു. കൃത്യനിര്വഹണം തടസപ്പെടുത്തിയതിനും അടിപിടിക്കും ഉൾപ്പെടെ രണ്ടു കേസുകളാണ് പോലീസിനെ ബന്ധിയാക്കിയവര്ക്കെതിരേ എടുത്തിട്ടുള്ളത്.
![](https://timeskerala.com/static/c1e/static/themes/16/91214/3752/images/New-Creative-.png)
ചൊവ്വാഴ്ച രാത്രി ഏഴിന് രണ്ട് സംഘങ്ങൾ തമ്മിലുണ്ടായ അടിപിടിയെ തുടര്ന്നാണ് കഠിനകുളം പോലീസ് സ്ഥലത്തെത്തുന്നത്. സ്ഥലത്തുണ്ടായിരുന്ന സഹോദരങ്ങളായ രണ്ടുപേരെ പോലീസ് കസ്റ്റഡിയിലെടുത്തതോടെ യുവാക്കളുടെ ബന്ധുക്കളും കുടുംബാംഗങ്ങളും ചേർന്ന് പോലീസ് ഉദ്യോഗസ്ഥരെ തടഞ്ഞുവയ്ക്കുകയും തുടർന്ന് പ്രതിഷേധം ശക്തമായതോടെ പ്രതികൾ വിലങ്ങ് അഴിച്ച് രക്ഷപ്പെടുകയായിരുന്നു.