കോട്ടയം: പുതുതായി ചുമതലയേറ്റ നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ മുൻ മുഖ്യമന്ത്രി ഉമ്മൻ ചാണ്ടിയുടെ കല്ലറ സന്ദർശിച്ചു (Speaker Thiruvanchoor Radhakrishnan). പുതുപ്പള്ളി സെന്റ് ജോർജ്ജ് ഓർത്തഡോക്സ് വലിയപള്ളിയിലെ കല്ലറയിലെത്തി അദ്ദേഹം പുഷ്പാർച്ചന നടത്തുകയും പ്രാർത്ഥനകളിൽ പങ്കാളിയാകുകയും ചെയ്തു. ശനിയാഴ്ച രാവിലെ പാർട്ടി പ്രവർത്തകർക്കും നേതാക്കൾക്കുമൊപ്പമാണ് സ്പീക്കർ എത്തിയത്.
ഒരു വലിയ കാലഘട്ടത്തിന്റെ ഓർമ്മ പുതുക്കലിനാണ് താൻ ഇവിടെ എത്തിയതെന്നും പുതിയ കാഴ്ചപ്പാടുകളോടെയാണ് ഇനി മുന്നോട്ടുള്ള കാര്യങ്ങളെ സമീപിക്കുന്നതെന്നും തിരുവഞ്ചൂർ രാധാകൃഷ്ണൻ മാധ്യമങ്ങളോട് പ്രതികരിച്ചു.
ഭരണഘടനാപരമായ എല്ലാ കാര്യങ്ങളും പൂർണ്ണ ഉത്തരവാദിത്തത്തോടെയും നിഷ്പക്ഷതയോടെയും നിർവ്വഹിക്കും. ഇത്തവണ സഭയിലെത്തിയിരിക്കുന്ന 71 പുതുമുഖ എംഎൽഎമാരെ സഭാ നടപടികളിൽ പൂർണ്ണ പ്രാപ്തരാക്കുന്നതിനും അവർക്ക് ആവശ്യമായ മാർഗ്ഗനിർദ്ദേശങ്ങൾ നൽകുന്നതിനും താൻ പ്രത്യേക പരിഗണന നൽകുമെന്നും സ്പീക്കർ കൂട്ടിച്ചേർത്തു.
Story Summary: Newly appointed Assembly Speaker Thiruvanchoor Radhakrishnan visited the tomb of former Chief Minister Oommen Chandy in Puthuppally. He stated that he would fulfill his constitutional responsibilities with utmost dedication and give special focus to training the 71 newly elected MLAs.
