മലപ്പുറം: കൂട്ടുകാർക്കൊപ്പം ഭാരതപ്പുഴയുടെ തീരത്ത് കളിക്കുന്നതിനിടെ പുഴയിൽ വീണ പന്തെടുക്കാൻ ശ്രമിച്ച ഒമ്പതാം ക്ലാസ് വിദ്യാർത്ഥി മുങ്ങിമരിച്ചു. പുറത്തൂർ കളൂർ സ്വദേശി ഉള്ളാട്ടിൽ മുനീറിന്റെ മകൻ മുഹമ്മദ് ബിലാലാണ് (14) അപകടത്തിൽപ്പെട്ടത്.(Schoolboy Drowns In Bharathapuzha While Retrieving Football)
ബുധനാഴ്ച വൈകീട്ട് മൂന്ന് മണിയോടെ പുറത്തൂർ എ.വി.എസ് കടവിന് സമീപമായിരുന്നു ദുരന്തം സംഭവിച്ചത്. കൂട്ടുകാരനെ രക്ഷിക്കാനിറങ്ങിയ അഫ്നാനും അപകടത്തിൽപ്പെട്ടു. കരയിലുണ്ടായിരുന്ന മറ്റ് കൂട്ടുകാർ ചേർന്ന് സാഹസികമായി അഫ്നാനെ കരയിലേക്ക് വലിച്ചുകയറ്റിയതിനാൽ വലിയൊരു ദുരന്തം കൂടി ഒഴിവായി. പുഴയിൽ തിരച്ചിൽ നടത്തി ബിലാലിനെ പുറത്തെടുത്ത് ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും അപ്പോഴേക്കും ജീവൻ നഷ്ടപ്പെട്ടിരുന്നു.
Story Summary
A 14-year-old student named Mohammed Bilal drowned in the Bharathapuzha river at Purathur in Malappuram while trying to retrieve a football. His friend, Mohammed Afnan, was rescued by other playmates during a brave rescue attempt and is currently hospitalized, while Bilal’s body was laid to rest following a post-mortem.
