പരസ്യ പ്രസ്താവനയിൽ നാസര് ഫൈസി കൂടത്തായിക്ക് സമസ്തയുടെ താക്കീത്
Jun 11, 2024, 20:48 IST
![പരസ്യ പ്രസ്താവനയിൽ നാസര് ഫൈസി കൂടത്തായിക്ക് സമസ്തയുടെ താക്കീത്](https://timeskerala.com/static/c1e/client/91214/uploaded/f7b2afc67d9329422b8ec47d9dbe6d3f.jpg)
സമസ്ത കേരള ജംഇയ്യത്തുല് ഉലമാ കേന്ദ്ര മുശാവറയുടെ നിര്ദേശം ലംഘിച്ച് സ്വകാര്യചാനലുകള്ക്ക് മുമ്പാകെ പരസ്യപ്രസ്താവന നടത്തിയ നാസര് ഫൈസി കൂടത്തായിക്ക് താക്കീത് നൽകി സമസ്ത. ഇത്തരം പ്രസ്താവനകള് മേലില് ആവര്ത്തിച്ചാല് കര്ശന നടപടി സ്വീകരിക്കുമെന്നാണ് നാസര് ഫൈസിക്ക് അയച്ച കത്തില് നേതാക്കള് ചൂണ്ടിക്കാട്ടി.
സമസ്ത കേരള ജംഇയ്യത്തുല് ഉലമായുടെ നയങ്ങളും തീരുമാനങ്ങളും കാലിക വിഷയങ്ങളിലുള്ള പ്രതികരണങ്ങളും സമസ്തയുടെ നേതൃത്വമോ ചുമതലപ്പെടുത്തുന്ന പ്രതിനിധിയോ മാത്രമാണ് നടത്തുകയെന്നും പോഷക സംഘടനാ നേതാക്കള് സമസ്തയുടെ പേരില് പ്രസ്താവന നടത്തുന്നത് അച്ചടക്ക ലംഘനമായി കണ്ട് കര്ശന നടപടി എടുക്കുന്നതാണെന്നും സമസ്ത നേതാക്കളായ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, പ്രൊഫ. കെ ആലിക്കുട്ടി മുസ്ലിയാര്, എം.ടി അബ്ദുല്ല മുസ്ലിയാര്, പി.പി ഉമര് മുസ്ലിയാര് കൊയ്യോട് എന്നിവര് വ്യക്തമാക്കി.
![](https://timeskerala.com/static/c1e/static/themes/16/91214/3752/images/New-Creative-.png)