വയനാട്: സ്വകാര്യ ബസ് മേഖലയിലെ പ്രതിസന്ധികൾ പരിഹരിക്കാൻ സർക്കാർ അടിയന്തരമായി ഇടപെടണമെന്നാവശ്യപ്പെട്ട് വയനാട്ടിൽ സ്വകാര്യ ബസുകൾ നടത്തുന്ന പണിമുടക്ക് തുടരുന്നു. നിലവിൽ ഒരു ദിവസത്തെ സൂചന പണിമുടക്കാണ് പ്രഖ്യാപിച്ചിരിക്കുന്നതെങ്കിലും, സർക്കാർ അനുകൂലമായ നടപടികൾ സ്വീകരിച്ചില്ലെങ്കിൽ ജൂലൈ ഒന്ന് മുതൽ അനിശ്ചിതകാലത്തേക്ക് സർവീസ് പൂർണ്ണമായും നിർത്തിവെക്കുമെന്ന് ബസ് ഉടമകളും ജീവനക്കാരും മുന്നറിയിപ്പ് നൽകി.(Private bus strike continues in Wayanad amid financial crisis)
സ്ത്രീകൾക്കുള്ള ‘പ്രിയദർശിനി’ സൗജന്യയാത്ര പദ്ധതി നടപ്പിലാക്കിയതോടെ പ്രതിദിനം ഏകദേശം 3,000 രൂപയുടെ വരുമാന നഷ്ടം ഉണ്ടാകുന്നതായി ബസ് ഉടമകൾ പരാതിപ്പെടുന്നു. ഇതിനുപുറമെ, മറ്റ് പ്രവർത്തനച്ചെലവുകളും വർധിച്ചത് മേഖലയെ വലിയ സാമ്പത്തിക പ്രതിസന്ധിയിലാക്കിയെന്നും അവർ ചൂണ്ടിക്കാട്ടുന്നു.
സമരത്തിന്റെ ഭാഗമായി ജില്ലയിലെ 280-ഓളം സ്വകാര്യ ബസുകൾ സർവീസ് നിർത്തിവെക്കുന്നതായി കാണിച്ച് മോട്ടോർ വാഹന വകുപ്പിന് ‘ജി ഫോം’ നൽകിയിട്ടുണ്ട്. ഇതിനിടെ, ബസ് ജീവനക്കാർ കൽപ്പറ്റ കളക്ടറേറ്റിലേക്ക് മാർച്ച് നടത്തി ധർണ്ണ സംഘടിപ്പിച്ചു. സമരത്തിനിടെ കെ.എസ്.ആർ.ടി.സി ബസുകൾക്കെതിരെ പ്രതിഷേധക്കാർ കൂക്കിവിളിച്ചത് സംഭവസ്ഥലത്ത് നേരിയ സംഘർഷാവസ്ഥ സൃഷ്ടിച്ചു.
Story Summary
Private bus operators in Wayanad have launched a one-day strike, demanding government intervention to address financial losses caused by the ‘Priyadarshini’ free travel scheme, which they claim has reduced daily revenue by Rs 3,000. Operators have warned of an indefinite strike starting July 1 if their demands are not met, with 280 buses already submitting G-Forms to suspend services.
