സംസ്ഥാനത്തെ വൈദ്യുതി നിയന്ത്രണം ഗുണം കണ്ടു: മന്ത്രി കൃഷ്ണൻകുട്ടി
![ജനതാദൾ എസ് – ലോക് താന്ത്രിക് ജനതാദൾ പാർട്ടികൾ തമ്മിലുള്ള ലയനം ഉടനെന്ന് കെ കൃഷ്ണൻകുട്ടി](https://timeskerala.com/static/c1e/client/91214/migrated/4397328d2832fe9fa9f3c6f9f2840956.jpg)
പാലക്കാട്: വൈദ്യുതി കരുതലോടെ മാത്രം ഉപയോഗിക്കണമെന്ന ആഹ്വാനം ജനം ഏറ്റെടുത്തതായി മന്ത്രി കൃഷ്ണൻകുട്ടി. കഴിഞ്ഞ ദിവസം പരമാവധി വൈദ്യുതി ഉപയോഗത്തിൽ കുറവ് വന്നത് ഇതിനു തെളിവാണെന്നും മന്ത്രി ഫേസ്ബുക്ക് കുറിപ്പിൽ വ്യക്തമാക്കി. മാക്സിമം ഡിമാൻഡ് 5,676 മെഗാവാട്ടായി കുറഞ്ഞു. വ്യാഴാഴ്ച റിക്കാർഡ് സൃഷ്ടിച്ച ഉപഭോഗത്തേക്കാൾ കുറവ് വന്നു.
![](https://timeskerala.com/static/c1e/static/themes/16/91214/3752/images/New-Creative-.png)
സ്വന്തം നിലയിൽ ഉപഭോക്താക്കൾ ഊർജസംരക്ഷണത്തിന്റെ ഭാഗമായത് അഭിനന്ദനാർഹമാണ്. എന്റെ സ്വന്തം വീട്ടിലും ഓഫീസിലും വലിയ തോതിൽ വൈദ്യുതിയുടെ ഉപയോഗത്തിൽ കുറവു വരുത്തിയിട്ടുണ്ടെന്നും ഫേസ്ബുക്ക് കുറിപ്പിൽ മന്ത്രിഎഴുതി.