കോഴിക്കോട്: രാഷ്ട്രീയ വൈരാഗ്യത്തെത്തുടർന്ന് ആർ.എം.പി പ്രവർത്തകന്റെ വീട്ടിലെ കിണറ്റിൽ വിസർജ്യം കലക്കി. തൂണേരി ചെക്കായിപ്പിടികയ്ക്കു സമീപം തുമ്പോളിപ്പൊയിൽ മനോജന്റെ വീട്ടിലെ കിണറിലാണ് ഞായറാഴ്ച പുലർച്ചെയോടെ അജ്ഞാതർ മലം തള്ളിയത്. (Political feud, Excrement dumped in well at RMP worker’s house)
മനോജനും സഹോദരനും സംയുക്തമായി ഉപയോഗിക്കുന്ന കിണറാണിത്. ഞായറാഴ്ച രാവിലെ മനോജന്റെ സഹോദരൻ ബക്കറ്റിൽ വെള്ളം കോരിയെടുത്തതോടെ കിണറ്റിൽ മലം കലർത്തിയതായി സ്ഥിരീകരിച്ചു. പാർട്ടിയുടെ സജീവ പ്രവർത്തകനാണ് മനോജൻ. സംഭവത്തിന് പിന്നിൽ രാഷ്ട്രീയ ലക്ഷ്യങ്ങളാണെന്നാണ് ആരോപണം.
