കണ്ണൂർ: കനത്ത മഴയെ തുടർന്ന് വളപട്ടണം പുഴയിൽ ജലനിരപ്പും ഒഴുക്കും ശക്തമായതോടെ പറശ്ശിനിക്കടവ് – വളപട്ടണം മേഖലയിലെ ബോട്ട് സർവീസുകൾ താൽക്കാലികമായി നിർത്തിവെച്ചു. പറശ്ശിനിക്കടവ് ബോട്ട് ടെർമിനലിൽ വെള്ളം കയറിയ പശ്ചാത്തലത്തിൽ സംസ്ഥാന ജലഗതാഗത വകുപ്പാണ് സർവീസുകൾ റദ്ദാക്കിയത്.(Parassinikkadavu Boat Services Suspended Due To Heavy Rain And Water Level Surge)
മഴവെള്ളത്തോടൊപ്പം വൻതോതിൽ മരത്തടികളും കൂറ്റൻ മാലിന്യങ്ങളും പുഴയിലൂടെ ഒഴുകിവരുന്നത് ബോട്ടുകൾക്ക് വലിയ കേടുപാടുകൾ വരുത്താൻ സാധ്യതയുണ്ട്. യാത്രക്കാരുടെ സുരക്ഷ മുൻനിർത്തിയാണ് ഇന്ന് സർവീസുകൾ നിർത്തിവെക്കാൻ തീരുമാനിച്ചതെന്ന് അധികൃതർ വ്യക്തമാക്കി.
അതേസമയം, മാട്ടൂൽ – അഴീക്കൽ ഫെറി സർവീസ് തടസ്സങ്ങളില്ലാതെ സാധാരണ നിലയിൽ സർവീസ് നടത്തുമെന്ന് ജലഗതാഗത വകുപ്പ് പറശ്ശിനിക്കടവ് സ്റ്റേഷൻ മാസ്റ്റർ അറിയിച്ചിട്ടുണ്ട്.
Story Summary
Boat services between Parassinikkadavu and Valapattanam have been temporarily suspended due to rising water levels and dangerous debris flowing down the Valapattanam river. State Water Transport Department authorities confirmed that the Mattool-Azhikkal ferry service continues to operate normally.
