ഒറ്റപ്പാലം: കാർ ടയർ മാറ്റുന്നതിനിടെ പിന്നിൽ ലോറിയിടിച്ച് ഒറ്റപ്പാലം സ്വദേശികളായ സഹോദരങ്ങൾ മരിച്ചു (Ottapalam Siblings Death Krishnagiri). ഒറ്റപ്പാലം അമ്പലവട്ടം പനമണ്ണ സ്വദേശിനി ദിവ്യ, സഹോദരൻ ദീപു എന്നിവരാണ് മരിച്ചത്. ദിവ്യയുടെ ഭർത്താവ് പട്ടാമ്പി സ്വദേശി വിനീതിന് അപകടത്തിൽ ഗുരുതരമായി പരിക്കേറ്റു. കർണാടകയിലെ കൃഷ്ണഗിരിക്ക് സമീപമാണ് അപകടം നടന്നത്.
ബംഗളൂരുവിൽ നിന്ന് നാട്ടിലേക്ക് മടങ്ങുകയായിരുന്നു എട്ടംഗ സംഘം. കൃഷ്ണഗിരിയിൽ വെച്ച് കാർ പഞ്ചറായതിനെത്തുടർന്ന് റോഡരികിൽ നിർത്തി ടയർ മാറ്റുന്നതിനിടെയാണ് പിന്നിൽ നിന്ന് പാഞ്ഞെത്തിയ ലോറി കാറിലിടിച്ചത്. ദിവ്യയുടെയും വിനീതിന്റെയും കുട്ടികളും ബന്ധുക്കളും ഉൾപ്പെടെ എട്ടുപേർ വാഹനത്തിലുണ്ടായിരുന്നു. പരിക്കേറ്റ വിനീതിനെ ആശുപത്രിയിൽ പ്രവേശിപ്പിച്ചു.
നാട്ടിലേക്ക് മടങ്ങുന്നതിനിടെയുണ്ടായ ഈ ദാരുണമായ അപകടത്തിന്റെ ഞെട്ടലിലാണ് പനമണ്ണ ഗ്രാമം. മൃതദേഹങ്ങൾ നാട്ടിലെത്തിക്കാനുള്ള നടപടികൾ നടന്നുവരികയാണ്.
News Summary: Two siblings from Ottapalam, Divya and Deepu, were killed in a tragic road accident in Krishnagiri, Karnataka. The accident occurred while they were changing a flat tire on their car by the roadside while returning from Bengaluru. A speeding truck rammed into their vehicle, leaving Divya’s husband, Vineeth, seriously injured. There were eight passengers in the car, including children and other relatives. Vineeth has been hospitalized, and the local community in Panamanna remains in shock over the loss.
