മലയാളി വിനോദസഞ്ചാരികളുടെ വാന്‍ ട്രക്കിലിടിച്ച് കാശ്മീരിൽ ഒരു മരണം; ആറ് പേരുടെ നില ഗുരുതരം
May 2, 2024, 10:19 IST
ശ്രീനഗര്‍: മലയാളി വിനോദസഞ്ചാരികളുടെ വാന്‍ ട്രക്കിലിടിച്ച് കാശ്മീരിൽ അപകടമുണ്ടായി. ഒരാളുടെ മരണത്തിനിടയാക്കിയ അപകടത്തിൽ പതിനൊന്നു പേർക്ക് പരിക്കേൽക്കുകയും ചെയ്തു. ഇതിൽ സാരമായ പരിക്കേറ്റ ആറുപേർ ഗുരുതരാവസ്ഥയിലാണ്. മരിച്ചത് നാദാപുരം സ്വദേശി പി.പി.സഫ്വാന്‍(23) ആണ്. ബുധനാഴ്ച രാത്രി അപകടമുണ്ടായത് കാഷ്മീരിലെ ബനിഹാളില്‍ ആണ്. 16 പേരുണ്ടായിരുന്ന വാനിലെ 12 പേരും മലയാളികളാണ്. സാരമായി പരിക്കേറ്റ മലയാളികൾ മലപ്പുറം- ബാസിം അബ്ദുല്‍ബാരി(25),കുന്നമംഗലം- ഡാനിഷ് അലി(23) തിരുവനന്തപുരം- മുഹമ്മദ് സുഹൈല്‍(24), നാദാപുരം- തല്‍ഹത്(25) എന്നിവരാണ്.