കോഴിക്കോട്: കുറ്റ്യാടി പുഴയിൽ കാൽവഴുതി വീണ മകനെ രക്ഷിക്കാൻ ശ്രമിക്കുന്നതിനിടെ ഒഴുക്കിൽപ്പെട്ട അമ്മയും മകനും മരിച്ചു. കൈതേരിമുക്ക് സ്വദേശി രമ്യയും (33) മകൻ ശിവനന്ദനുമാണ് (7) മരിച്ചത്.(Mother And Son Drown In Kuttiady River Kozhikode)
തുണിയലക്കാനായി മകനോടൊപ്പം പുഴക്കടവിൽ എത്തിയതായിരുന്നു രമ്യ. ഇതിനിടെ കാൽവഴുതി പുഴയിലേക്ക് വീണ മകൻ ശിവനന്ദനെ രക്ഷിക്കാൻ ശ്രമിക്കുന്നതിനിടെ രമ്യയും ഒഴുക്കിൽപ്പെടുകയായിരുന്നു. രമ്യയെ ഉടൻതന്നെ രക്ഷപ്പെടുത്തി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
പുഴയിൽ നടത്തിയ മണിക്കൂറുകൾ നീണ്ട തിരച്ചിലിനൊടുവിലാണ് ശിവനന്ദന്റെ മൃതദേഹം കണ്ടെത്തിയത്. കടിയങ്ങാട്ട് ഫാർമസിസ്റ്റായി ജോലി ചെയ്തുവരികയായിരുന്നു രമ്യ. പാലേരി തോട്ടത്താംകണ്ടി സുബീഷിന്റെ ഭാര്യയാണ് രമ്യ.
Story Summary
A tragic incident occurred in Kozhikode where a mother, Ramya, and her 7-year-old son, Shivanand, drowned in the Kuttiady River. Ramya lost her life while attempting to save her son who had slipped into the water; the child’s body was recovered later following an intensive search operation by authorities and local residents.
