കിളിമാനൂർ: തിരുവനന്തപുരം കിളിമാനൂരിൽ പുലർച്ചെ മുതൽ കാണാതായ വീട്ടമ്മയെ വീട്ടുപറമ്പിലെ കിണറ്റിൽ മരിച്ച നിലയിൽ കണ്ടെത്തി (Woman Found Dead Kilimanoor). വണ്ടന്നൂർ ഇടക്കുന്ന് ഒലിപ്പുവിള വീട്ടിൽ ബിനുവിന്റെ ഭാര്യ സിന്ധു (43) ആണ് മരിച്ചത്. കിളിമാനൂരിലെ സ്വകാര്യ ആശുപത്രിയിലെ ജീവനക്കാരിയായിരുന്നു സിന്ധു. ഇന്ന് രാവിലെയോടെയായിരുന്നു ദാരുണമായ സംഭവം പുറത്തറിഞ്ഞത്.
പുലർച്ചെ വീട്ടിൽ സിന്ധുവിനെ കാണാതിരുന്നതിനെ തുടർന്ന് ബന്ധുക്കൾ പരിഭ്രാന്തരാവുകയും തുടർന്ന് നടത്തിയ തിരച്ചിലിൽ വീടിന് സമീപത്തുള്ള കിണറ്റിൽ മൃതദേഹം കണ്ടെത്തുകയുമായിരുന്നു. ഉടൻ തന്നെ പോലീസിലും അഗ്നിശമന സേനയിലും വിവരമറിയിച്ചു. സ്ഥലത്തെത്തിയ ഫയർഫോഴ്സ് സംഘമാണ് മൃതദേഹം കിണറ്റിൽ നിന്നും പുറത്തെടുത്തത്. ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. സംഭവത്തിൽ കിളിമാനൂർ പോലീസ് അസ്വഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്. വീണ, വിഷ്ണു എന്നിവർ മക്കളാണ്.
Story Summary: A 43-year-old housewife, Sindhu, who went missing since early morning, was found dead inside a well near her house in Kilimanoor, Thiruvananthapuram. The fire force recovered the body, and the Kilimanoor police have registered a case for unnatural death.
