വയനാട്: മാനന്തവാടി എരുമത്തെരുവിൽ കാറിന് തീപിടിച്ച് ഒരാൾ മരിച്ചു. കണ്ണൂർ സ്വദേശി സജീർ ആണ് മരിച്ചത്. കാറിലുണ്ടായിരുന്ന സജീറിന്റെ ഭാര്യയും മൂന്ന് മക്കളും ഗുരുതരമായ പൊള്ളലേറ്റ നിലയിൽ ചികിത്സയിലാണ്. സജീർ കാറിനുള്ളിൽ പെട്രോളൊഴിച്ച് തീ കൊളുത്തുകയായിരുന്നുവെന്നാണ് പ്രാഥമിക നിഗമനം.(Man dies in car fire, Wife and children in hospital, suspected Suicide attempt)
മരിക്കുന്നതിന് മുൻപ് സജീർ റെക്കോർഡ് ചെയ്ത വീഡിയോ പുറത്തുവന്നിട്ടുണ്ട്. തന്റെ ആത്മഹത്യയ്ക്ക് കാരണം സാമ്പത്തിക ബാധ്യതകളാണെന്ന് വീഡിയോയിൽ സജീർ വ്യക്തമാക്കുന്നു. മാനന്തവാടി സ്വദേശിയാണ് തന്റെ ഈ അവസ്ഥയ്ക്ക് കാരണമെന്നും, മറ്റൊരാൾക്കും ഇതിൽ പങ്കുണ്ടെന്നും സജീർ വീഡിയോയിൽ ആരോപിക്കുന്നുണ്ട്.
സജീർ തന്റെ കാർ ഇ.സി. ബാപ്പുവിന്റെ മാനന്തവാടിയിലെ വീട്ടിലേക്ക് മനഃപൂർവ്വം ഇടിച്ചു കയറ്റുകയായിരുന്നു. ഇതിന് പിന്നാലെയാണ് കാറിനുള്ളിൽ തീ പടർന്നത്.
