ഇന്ത്യയെക്കുറിച്ച് സോഷ്യൽ മീഡിയയിൽ പ്രചരിക്കുന്ന മോശം വാർത്തകൾ തിരുത്തി വിദേശി പങ്കുവെച്ച വീഡിയോ തരംഗമാകുന്നു. ഡിജിറ്റൽ ക്രിയേറ്ററായ ജാക് ഹീറ്റൺ ആണ് ഇന്ത്യയിലെ തന്റെ മനോഹരമായ അനുഭവങ്ങൾ പങ്കുവെച്ചത് ( Locals Help Injured Foreigner). വഴിയിൽ വീണ് കാലിന് പരിക്കേറ്റ തന്നെ നാട്ടുകാർ സഹായിച്ചതും പ്രതിഫലം വാങ്ങാതെ ബാൻഡേജ് ഇട്ടു നൽകിയതുമാണ് ജാക്കിന്റെ മനസ്സ് മാറ്റിയത്.
നടന്നുപോകുന്നതിനിടെ വീണ് കാലിന് പരിക്കേറ്റ ജാക്കിനെ രണ്ട് യുവാക്കൾ ഉടൻ തന്നെ തങ്ങളുടെ വീട്ടിലേക്ക് കൊണ്ടുപോയി. മുറിവ് വൃത്തിയാക്കി ബാൻഡേജ് ഇട്ടു നൽകിയ അവർ യാതൊരു പ്രതിഫലവും വാങ്ങാൻ തയ്യാറായില്ല.ഇന്ത്യയിലെത്തിയ ആദ്യ ദിവസങ്ങളിൽ ഒരു റെസ്റ്റോറന്റിലെ മെനു കണ്ട് ആശയക്കുഴപ്പത്തിലായ ജാക്കിനെ സഹായിക്കാൻ അവിടെ ഭക്ഷണം കഴിക്കാനെത്തിയ ഒരു സ്ത്രീ മുന്നോട്ടുവന്നു. മെനുവിലെ ഓരോ കാര്യങ്ങളും അവർ വിശദീകരിച്ചു നൽകി.
ഇന്ത്യയെക്കുറിച്ച് ഇന്റർനെറ്റിൽ കാണുന്നതെല്ലാം ശരിയല്ലെന്ന് ജാക് പറയുന്നു. തട്ടിപ്പുകാരും മോശം സാഹചര്യങ്ങളും ചിലയിടങ്ങളിൽ ഉണ്ടാകാമെങ്കിലും താൻ കണ്ട ഇന്ത്യ 99 ശതമാനവും സ്നേഹമുള്ള മനുഷ്യരും രുചികരമായ ഭക്ഷണവും മനോഹരമായ കാഴ്ചകളും നിറഞ്ഞതാണെന്ന് അദ്ദേഹം വീഡിയോയിൽ വ്യക്തമാക്കി. സോഷ്യൽ മീഡിയയിൽ വീഡിയോ വൈറലായതോടെ നിരവധി പേർ ജാക്കിനെ പിന്തുണച്ച് രംഗത്തെത്തി. തമിഴ്നാട് ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിലെയും ഇന്ത്യയുടെ മറ്റ് ഭാഗങ്ങളിലെയും ആതിഥ്യമര്യാദയെക്കുറിച്ച് ആളുകൾ കമന്റുകൾ രേഖപ്പെടുത്തി.
View this post on Instagram
Summary: Digital creator Jack Heaton has gone viral for sharing his positive experiences in India, challenging negative online stereotypes. After falling and injuring his leg on a street, two locals took him into their home and bandaged his wound for free. Heaton also recounted how a stranger at a restaurant helped him understand the menu. He emphasized that 99% of his journey has been filled with kindness, great food, and beautiful landscapes, urging travelers to see the country for themselves.
