Follow on Google News
കൊയിലാണ്ടി: വിഷു ആഘോഷത്തിനിടെ പടക്കം പൊട്ടിത്തെറിച്ച് കൊയിലാണ്ടിയിൽ വിദ്യാർത്ഥിക്ക് ദാരുണാന്ത്യം (Koyilandy Firecracker accident). കൊരയങ്ങാട് തെരുവ് സ്വദേശി അദ്വൈത് (16) ആണ് മരിച്ചത്. കൂട്ടുകാർക്കൊപ്പം പടക്കം പൊട്ടിക്കുന്നതിനിടെ വലിയ ഗുണ്ട് കയ്യിലിരുന്ന് പൊട്ടിത്തെറിച്ചാണ് അപകടമുണ്ടായത്.
വിഷുദിനത്തിൽ വീടിനോട് ചേർന്നുള്ള ഗ്രൗണ്ടിൽ സുഹൃത്തുക്കൾക്കൊപ്പം പടക്കം പൊട്ടിക്കുകയായിരുന്നു അദ്വൈത്. വലിയ ഗുണ്ടിന് തീ കൊളുത്തിയപ്പോൾ അത് കയ്യിൽ വെച്ച് തന്നെ പൊട്ടിത്തെറിക്കുകയായിരുന്നു. സ്ഫോടനത്തിന്റെ ആഘാതത്തിൽ അദ്വൈതിന് ഗുരുതരമായി പരിക്കേറ്റു.
അപകടം നടന്ന ഉടനെ തന്നെ സമീപത്തുണ്ടായിരുന്നവരും വീട്ടുകാരും ചേർന്ന് അദ്വൈതിനെ കൊയിലാണ്ടി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തുന്നതിന് മുൻപേ മരണം സംഭവിച്ചിരുന്നു. പത്താം ക്ലാസ് പരീക്ഷ കഴിഞ്ഞ് ഫലം കാത്തിരിക്കവെയാണ് ഈ ദാരുണ സംഭവം നടന്നത്. മൃതദേഹം പോസ്റ്റ്മോർട്ടം നടപടികൾക്കായി ആശുപത്രി മോർച്ചറിയിലേക്ക് മാറ്റി.
Story Summary: A 16-year-old student named Adwaith died in Koyilandy after a firecracker exploded in his hand during Vishu celebrations. The accident occurred while he was lighting fireworks with friends in a ground near his house. He was rushed to the hospital but was declared brought dead.
