കൊല്ലം: കടയ്ക്കൽ അയിരക്കുഴിയിൽ യുവതിയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. അയിരക്കുഴി സ്വദേശിനി വൈഷ്ണവി (23) ആണ് മരിച്ചത് (Kadakkal Student Death). ശനിയാഴ്ചയായിരുന്നു സംഭവം.
കിടപ്പുമുറിയിലെ ജനൽ കമ്പിയിൽ തൂങ്ങിയ നിലയിൽ കണ്ടെത്തിയ വൈഷ്ണവിയെ ഉടൻതന്നെ ബന്ധുക്കളും നാട്ടുകാരും ചേർന്ന് കടയ്ക്കൽ താലൂക്ക് ആശുപത്രിയിൽ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. ഫാഷൻ ഡിസൈനിങ് വിദ്യാർത്ഥിനിയാണ് വൈഷ്ണവി.
മരണകാരണം സംബന്ധിച്ച് നിലവിൽ വ്യക്തതയില്ലെന്നും സംഭവത്തിൽ ദുരൂഹതയുള്ളതായും പോലീസ് അറിയിച്ചു. കടയ്ക്കൽ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. ബന്ധുക്കളുടെ മൊഴി രേഖപ്പെടുത്തിയ പോലീസ്, പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും. ആത്മഹത്യയിലേക്ക് നയിച്ച കാരണങ്ങൾ കണ്ടെത്താനായി വൈഷ്ണവിയുടെ സുഹൃത്തുക്കളെയും സഹപാഠികളെയും കേന്ദ്രീകരിച്ച് അന്വേഷണം വ്യാപിപ്പിക്കാനാണ് പോലീസിന്റെ തീരുമാനം.
Story Summary: A 23-year-old fashion designing student, Vaishnavi, was found dead in her house at Ayirakkuzhi, Kadakkal, Kollam. She was found hanging from a window grille on Saturday and was rushed to the hospital, but could not be saved. Kadakkal police have registered a case for unnatural death and initiated an investigation to determine the cause behind the incident.
