തിരുവനന്തപുരം : സംസ്ഥാനത്ത് മഴയുടെ ശക്തി തുടരുന്ന സാഹചര്യത്തിൽ കേന്ദ്ര കാലാവസ്ഥാ വകുപ്പ് വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കാണ് സാധ്യത. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.(Kerala Rain Update Yellow Alert Issued)
മലയോര മേഖലകളിലും ഉരുൾപൊട്ടൽ, മണ്ണിടിച്ചിൽ, വെള്ളപ്പൊക്കം എന്നിവയ്ക്ക് സാധ്യതയുള്ള പ്രദേശങ്ങളിലും താമസിക്കുന്നവർ അതീവ ജാഗ്രത പാലിക്കണം. ഔദ്യോഗിക നിർദ്ദേശങ്ങൾക്കനുസരിച്ച് സുരക്ഷിത സ്ഥാനങ്ങളിലേക്ക് മാറാൻ തയ്യാറായിരിക്കുക. ശക്തമായ മഴയുള്ളപ്പോൾ അനാവശ്യ യാത്രകൾ ഒഴിവാക്കുക. പ്രത്യേകിച്ച് രാത്രി സമയങ്ങളിൽ മലയോര മേഖലകളിലൂടെയുള്ള യാത്രകൾ പരമാവധി കുറയ്ക്കുക.
നദികളിലെയും തോടുകളിലെയും ജലനിരപ്പ് ഉയരാൻ സാധ്യതയുള്ളതിനാൽ പുഴകളിലും ജലാശയങ്ങളിലും ഇറങ്ങുന്നത് ഒഴിവാക്കുക. മഴയോടൊപ്പം ഇടിമിന്നലിനും സാധ്യതയുള്ളതിനാൽ, ഇടിമിന്നൽ ഉണ്ടാകുമ്പോൾ സുരക്ഷിതമായ കെട്ടിടത്തിനുള്ളിൽ അഭയം പ്രാപിക്കുക. വൈദ്യുതി ഉപകരണങ്ങളുമായുള്ള സമ്പർക്കം ഒഴിവാക്കുക. കേരള – കർണാടക – ലക്ഷദ്വീപ് തീരങ്ങളിൽ നിലവിൽ മത്സ്യബന്ധനത്തിന് തടസ്സമില്ലെങ്കിലും, കടൽക്ഷോഭത്തിനുള്ള സാധ്യതകൾ മുൻനിർത്തി മത്സ്യത്തൊഴിലാളികൾ ജാഗ്രത പാലിക്കണം.
Story Summary
Kerala continues to experience heavy rainfall, with the India Meteorological Department (IMD) issuing yellow alerts for several districts. Authorities have urged residents in vulnerable areas, particularly those prone to landslides and flash floods, to remain vigilant and follow safety protocols to minimize risks.
