തിരുവനന്തപുരം: സംസ്ഥാനത്ത് മഴ വീണ്ടും ശക്തമാകുന്നു. ഇന്ന് വ്യാപകമായ മഴയ്ക്ക് സാധ്യതയുള്ളതിനാൽ കാലാവസ്ഥാ വകുപ്പ് വിവിധ ജില്ലകളിൽ മുന്നറിയിപ്പ് നൽകി. കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളിൽ ഓറഞ്ച് അലർട്ടാണ് പ്രഖ്യാപിച്ചിരിക്കുന്നത്. (Kerala rain alert, IMD issues heavy rain alert for Kerala with four districts on orange alert)
മഴയ്ക്കൊപ്പം ശക്തമായ കാറ്റിനും ഇടിമിന്നലിനും സാധ്യതയുള്ളതിനാൽ പൊതുജനങ്ങൾ അതീവ ജാഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രം നിർദ്ദേശിച്ചു. കാലവർഷം ഇതുവരെ സംസ്ഥാനത്ത് ദുർബലമായിരുന്നെങ്കിലും, വരും ദിവസങ്ങളിൽ മഴ സജീവമാകുമെന്നാണ് കണക്കുകൂട്ടൽ. കേരള തീരത്ത് മത്സ്യബന്ധനത്തിന് ഏർപ്പെടുത്തിയിരിക്കുന്ന വിലക്ക് തുടരുമെന്നും അധികൃതർ അറിയിച്ചു.
Story Summary
The India Meteorological Department (IMD) has issued an orange alert for four districts in Kerala—Kozhikode, Wayanad, Kannur, and Kasaragod—predicting widespread rainfall across the state. All other districts are under a yellow alert, and a ban on fishing remains in effect along the Kerala coast due to adverse weather conditions.
