ജമ്മു: ജമ്മു കശ്മീരിലെ അതിർത്തി ജില്ലകളായ പൂഞ്ച്, രജൗരി എന്നിവിടങ്ങളിൽ കനത്ത മഴയെത്തുടർന്നുണ്ടായ ഉരുൾപൊട്ടലിലും മിന്നൽപ്രളയത്തിലും 11 പേർ മരിച്ചു. ഞായറാഴ്ച ഉണ്ടായ ദുരന്തത്തിൽ ഏഴ് പേരെ കാണാതായിട്ടുണ്ട്. ഇവർക്കായുള്ള സംയുക്ത രക്ഷാപ്രവർത്തനം പുരോഗമിക്കുകയാണെന്ന് ഔദ്യോഗിക വൃത്തങ്ങൾ അറിയിച്ചു.(Jammu Kashmir Flash Floods Landslides Poonch Rajouri 11 Dead Omar Abdullah Returns)
പൂഞ്ച് ജില്ലയിലെ സുരൻകോട്ട് തഹസീലിലാണ് ഏറ്റവും കടുത്ത നാശനഷ്ടങ്ങൾ റിപ്പോർട്ട് ചെയ്തത്. മരണപ്പെട്ടവരിൽ ഭൂരിഭാഗം പേരും ഈ പ്രദേശത്തുള്ളവരാണ്. കനത്ത മഴയും റോഡുകൾ തകർന്നതും അവശിഷ്ടങ്ങൾ നിറഞ്ഞതും രക്ഷാപ്രവർത്തനത്തിന് കടുത്ത പ്രതിസന്ധി സൃഷ്ടിക്കുന്നുണ്ട്. എങ്കിലും കാണാതായവർക്കായുള്ള തിരച്ചിൽ ദ്രുതഗതിയിൽ തുടരുകയാണ്.
സംസ്ഥാന പദവി പുനഃസ്ഥാപിക്കണമെന്ന ആവശ്യവുമായി ബന്ധപ്പെട്ട പ്രതിഷേധ പരിപാടികൾക്കായി ഡൽഹിയിലായിരുന്ന മുഖ്യമന്ത്രി ഒമർ അബ്ദുള്ള, ജമ്മു കശ്മീരിലെ പ്രളയ സാഹചര്യം വഷളായതിനെ തുടർന്ന് തന്റെ ഡൽഹി സന്ദർശനം വെട്ടിച്ചുരുക്കി. ദുരന്തബാധിത മേഖലകളിലെ സ്ഥിതിഗതികൾ വിലയിരുത്തുന്നതിനും രക്ഷാപ്രവർത്തനങ്ങൾ ഏകോപിപ്പിക്കുന്നതിനുമായി അദ്ദേഹം ഞായറാഴ്ച ഉച്ചയോടെ ജമ്മുവിലേക്ക് തിരിച്ചു.
Story Summary
At least 11 people were killed and seven others went missing after torrential rains triggered flash floods and landslides in the Poonch and Rajouri districts of Jammu and Kashmir. Following the severe destruction, particularly in Poonch’s Surankote, Chief Minister Omar Abdullah cut short his official visit to Delhi to return to Jammu and oversee the ongoing multi-agency rescue operations.
