Follow on Google News
കാസർഗോഡ്: കാസർഗോഡ് ചിന്മയ വിദ്യാലയത്തിൽ പത്താം ക്ലാസ് പരീക്ഷയെഴുതിയ 38 വിദ്യാർത്ഥികളുടെ ഫലം സിബിഎസ്ഇ തടഞ്ഞുവെച്ചു (Kasaragod News). രണ്ടാമത്തെ ഭാഷയായി ‘സംസ്കൃതം കമ്മ്യൂണിക്കേറ്റീവ്’ തിരഞ്ഞെടുത്ത വിദ്യാർത്ഥികൾക്കാണ് ഈ ദുരനുഭവം ഉണ്ടായത്. പരീക്ഷാ ഫലം പ്രസിദ്ധീകരിച്ചപ്പോൾ ഈ വിദ്യാർത്ഥികളുടെ ഫലം മാത്രം വെബ്സൈറ്റിൽ ലഭ്യമായില്ല.
വിദ്യാർത്ഥികളുടെ പരീക്ഷാ രജിസ്ട്രേഷൻ സമയത്ത് വിഷയത്തിന്റെ കോഡ് (Subject Code) രേഖപ്പെടുത്തിയതിൽ സ്കൂൾ അധികൃതർക്ക് വന്ന തെറ്റാണ് പ്രശ്നങ്ങൾക്ക് കാരണമായത്.തെറ്റായ കോഡ് കാരണം പരീക്ഷയെഴുതാൻ ആദ്യം തടസ്സമുണ്ടായെങ്കിലും, കോടതി ഇടപെടലിലൂടെ കോഡ് തിരുത്തിയാണ് വിദ്യാർത്ഥികൾക്ക് പരീക്ഷയെഴുതാൻ അനുമതി ലഭിച്ചത്.
കോടതി നിർദ്ദേശപ്രകാരം പരീക്ഷയെഴുതിയെങ്കിലും, പരീക്ഷാ ബോർഡ് ഇപ്പോൾ ഫലം തടഞ്ഞുവെച്ചിരിക്കുകയാണ്.
തുടർപഠനത്തിനായി പ്ലസ് വൺ പ്രവേശന നടപടികൾ ആരംഭിക്കാനിരിക്കെ, ഫലം വൈകുന്നത് വിദ്യാർത്ഥികളെയും രക്ഷിതാക്കളെയും ഒരുപോലെ ആശങ്കയിലാക്കുന്നു. പ്രശ്നപരിഹാരത്തിനായി സ്കൂൾ അധികൃതർ സിബിഎസ്ഇയുമായി ചർച്ചകൾ നടത്തിവരികയാണെന്നാണ് വിവരം.
Story Summary: The CBSE results of 38 Class 10 students from Chinmaya Vidyalaya, Kasaragod, have been withheld due to a technical error in the subject code during registration. Despite appearing for the exam via court intervention, the board has not released their results.
