കാഞ്ഞങ്ങാട്: സ്കൂളിലെ വിദ്യാർഥി സംഘർഷത്തിന്റെ തുടർച്ചയായി സൗത്ത് ചിത്താരിയിലുണ്ടായ അക്രമത്തിൽ രണ്ട് ഹയർ സെക്കൻഡറി വിദ്യാർഥികൾക്ക് പരിക്കേറ്റു (Chittari school fight). ചിത്താരി സ്വദേശികളായ മുഹമ്മദ് റിയാൻ (16), മുഹമ്മദ് റാഷിദ് (16) എന്നിവർക്കാണ് പരിക്കേറ്റത്. ചിത്താരി ജമാഅത്ത് ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥികളാണ് ഇരുവരും. പരിക്കേറ്റ വിദ്യാർഥികളെ കാഞ്ഞങ്ങാട്ടെ ആശുപത്രിയിൽ പ്രവേശിപ്പിച്ചു.
സ്കൂളിലുണ്ടായ ചെറിയ തർക്കത്തിന്റെ പേരിൽ ആറങ്ങാടി ഭാഗത്തുനിന്നും എത്തിയ സംഘമാണ് തങ്ങളെ വഴിയിൽ തടഞ്ഞുനിർത്തി ക്രൂരമായി മർദിച്ചതെന്ന് പരിക്കേറ്റ വിദ്യാർഥികൾ പൊലീസിന് മൊഴി നൽകി. സംഭവത്തിൽ ചിത്താരി സ്വദേശികളായ ജംഷി, മൻസൂർ എന്നിവരുൾപ്പെടെ കണ്ടാലറിയാവുന്ന അഞ്ച് പേർക്കെതിരെ ഹൊസ്ദുർഗ് പൊലീസ് കേസെടുത്തു. സ്കൂൾ പരിസരങ്ങളിലും വിദ്യാർഥികൾ തമ്പടിക്കുന്ന മറ്റ് സ്ഥലങ്ങളിലും സംഘർഷ സാധ്യത കണക്കിലെടുത്ത് പൊലീസ് നിരീക്ഷണം ശക്തമാക്കിയിട്ടുണ്ട്.
Story Summary: Two 16-year-old students of Chittari Jama-ath Higher Secondary School were injured after being attacked by a group from Arangadi following a school dispute. The Hosdurg police have registered a case against five individuals, including Jamshi and Mansoor.
