തിരുവനന്തപുരം: സംസ്ഥാനത്തെ സർക്കാർ ആശുപത്രികളിൽ സന്നദ്ധ-യുവജന സംഘടനകൾ നടത്തിവരുന്ന സൗജന്യ ഭക്ഷണപ്പൊതി വിതരണം തടയുന്ന പുതിയ സർക്കാർ നടപടിയെ രൂക്ഷമായി വിമർശിച്ച് ബി.ജെ.പി. നേതാവ് കെ. സുരേന്ദ്രൻ. ആശുപത്രികളിൽ പൊതിച്ചോറ് നൽകുന്നത് തടസ്സപ്പെടുത്തുന്ന ആരോഗ്യ വകുപ്പിന്റെ നിലപാട് എന്തിനാണെന്ന് മനസ്സിലാകുന്നില്ലെന്നും, ഈ വിഷയത്തിൽ ദുരഭിമാനം വെടിയുന്നതാണ് ആരോഗ്യവകുപ്പിന് നല്ലതെന്നും അദ്ദേഹം ഫേസ്ബുക്കിൽ കുറിച്ചു.(K Surendran Facebook Post Against Health Minister K Muraleedharan)
ആശുപത്രികളിലെ ഭക്ഷണ വിതരണത്തിൽ രാഷ്ട്രീയം കാണേണ്ട യാതൊരു കാര്യവുമില്ലെന്ന് സുരേന്ദ്രൻ ചൂണ്ടിക്കാട്ടി. പൊതിച്ചോറ് കഴിച്ചവരൊക്കെ അത് നൽകിയ സംഘടനകൾക്കാണ് വോട്ട് ചെയ്തിരുന്നതെങ്കിൽ ബഹുമാനപ്പെട്ട ആരോഗ്യ മന്ത്രി കെ. മുരളീധരൻ ഉൾപ്പെടെയുള്ള പല നേതാക്കളും നിയമസഭ കാണുമായിരുന്നില്ലെന്ന് അദ്ദേഹം പരിഹസിച്ചു.
അതേസമയം, വിതരണം ചെയ്യുന്ന ഭക്ഷണം വൃത്തിയുള്ളതാണെന്ന് ഉറപ്പാക്കാനും എന്തെങ്കിലും അപകടമുണ്ടായാൽ ഉത്തരവാദിത്തം നിശ്ചയിക്കാനും ഭക്ഷണം നൽകുന്നവരുടെ ഐഡന്റിറ്റി അറിയുന്നത് നല്ലതാണെന്നും സുരേന്ദ്രൻ നിർദ്ദേശിച്ചു. സർക്കാർ മുന്നോട്ടുവെക്കുന്ന കമ്മ്യൂണിറ്റി കിച്ചൻ സംവിധാനം കേരളത്തിൽ പ്രായോഗികമല്ലെന്ന് ബി.ജെ.പി. നേതാവ് ഓർമ്മിപ്പിച്ചു. കോവിഡ് കാലത്തുതന്നെ കമ്മ്യൂണിറ്റി കിച്ചൻ പദ്ധതികൾ പൊളിഞ്ഞ് പാളീസായതാണ്. അതുകൊണ്ട് തന്നെ പാവപ്പെട്ടവർക്ക് ഭക്ഷണം നൽകുന്ന സന്നദ്ധ പ്രവർത്തനങ്ങളെ തടസ്സപ്പെടുത്താതെ, ഈ കാര്യത്തിൽ കടുത്ത ദുരഭിമാനം ഒഴിവാക്കാൻ ആരോഗ്യ മന്ത്രാലയം തയ്യാറാകണമെന്ന് കെ. സുരേന്ദ്രൻ ആവശ്യപ്പെട്ടു.
Story Summary
K Surendran slammed the Kerala health department’s decision to ban voluntary food packet distribution in government hospitals. In a Facebook post, Surendran stated there is no need to politicize free food distribution, adding that the government’s proposed community kitchens will fail in Kerala just as they did during the COVID-19 pandemic. He also took a jibe at Health Minister K Muraleedharan over the issue.
