കൊച്ചി: ലക്ഷദ്വീപിലെ പ്രശസ്തമായ ബംഗാരം ദ്വീപിൽ അവധി ആഘോഷിക്കുന്നതിനിടയിൽ ഇന്ത്യൻ വ്യോമസേനയിലെ മലയാളി വിങ് കമാൻഡർ കടലിൽ മുങ്ങിമരിച്ചു. ആർ. ശ്രീരാജ് ആണ് അപകടത്തിൽപ്പെട്ടത്. നിലവിൽ വ്യോമസേനയുടെ വിങ് കമാൻഡർ ഇൻചാർജായി സേവനമനുഷ്ഠിച്ചു വരികയായിരുന്നു അദ്ദേഹം.(IAF Wing Commander R Sreeraj Drowns At Bangaram Island Lakshadweep Vacation)
ഭാര്യയ്ക്കും മകനുമൊപ്പം ബംഗാരം ദ്വീപിലെ താജ് റിസോർട്ടിൽ എത്തിയതായിരുന്നു ശ്രീരാജ്. തിങ്കളാഴ്ച വൈകീട്ട് 4:30-നും 5:30-നും ഇടയിലാണ് അപകടം സംഭവിച്ചത്. കുടുംബത്തോടൊപ്പം റിസോർട്ടിന് സമീപത്തെ കടലിൽ നീന്തുന്നതിനിടെ ശ്രീരാജ് അപ്രതീക്ഷിതമായി കടലിലെ ആഴമേറിയ ഭാഗത്തേക്ക് ഒഴുക്കിൽപ്പെട്ട് നീങ്ങിപ്പോയതാകാമെന്നാണ് പ്രാഥമിക നിഗമനം.
അപകടം ശ്രദ്ധയിൽപ്പെട്ടയുടൻ തീരത്തുണ്ടായിരുന്ന ബംഗാരം പൊലീസും പ്രത്യേക ലൈഫ് ഗാർഡ് റെസ്ക്യൂ സംഘവും കടലിലിറങ്ങി അതിവേഗം രക്ഷാപ്രവർത്തനം നടത്തി ശ്രീരാജിനെ കരയ്ക്കെത്തിച്ചു. തുടർന്ന് അതിവേഗ ബോട്ടിൽ അഗത്തി ദ്വീപിലെ ആശുപത്രിയിൽ എത്തിച്ചെങ്കിലും അപ്പോഴേക്കും ജീവൻ നഷ്ടപ്പെട്ടിരുന്നു.
Story Summary
Indian Air Force Wing Commander R Sreeraj (41), a native of Thiruvananthapuram, tragically drowned while swimming at Bangaram Island in Lakshadweep. Sreeraj, who was the IAF Wing Commander In-charge of Lakshadweep, was visiting the island’s Taj Resort with his family when the accident occurred.
