തൃശ്ശൂർ: അന്നമനട മഹാദേവ ക്ഷേത്രത്തിലെ ഉത്സവത്തിനിടെ ആനയുടെ ആക്രമണത്തിൽ യുവാവിന് ഗുരുതരമായി പരിക്കേറ്റു. എരയാകുടി തുറന്നല്ലൂർ മനയിൽ വിവേകിനാണ് (30) പരിക്കേറ്റത്. എഴുന്നള്ളിപ്പിനായി കൊണ്ടുവന്ന ‘അത്തിക്കാവ് കാർത്തികേയൻ’ എന്ന ആനയാണ് വിവേകിനെ ആക്രമിച്ചത്.(Elephant throws young man with trunk during temple festival, seriously injured)
ക്ഷേത്രത്തിലെ എഴുന്നള്ളിപ്പിനായി തിടമ്പ് ആനപ്പുറത്തേക്ക് ഏറ്റുന്ന ചടങ്ങിനിടെയായിരുന്നു അപകടം. തിടമ്പുമായി ആനയുടെ അരികിൽ നിൽക്കുകയായിരുന്നു വിവേക്. പെട്ടെന്ന് പ്രകോപിതനായ ആന വിവേകിനെ തുമ്പിക്കൈ കൊണ്ട് ചുറ്റിയെടുത്ത് നിലത്തെറിയുകയായിരുന്നു. പരിക്കുകൾ ഗുരുതരമായതിനാൽ അദ്ദേഹത്തെ വിദഗ്ധ ചികിത്സയ്ക്കായി എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.
