തിരുവനന്തപുരം: നഗരസഭയിലെ കൗൺസിലർമാർ നിർദേശിച്ച റൂട്ടുകളിൽ നിന്ന് ലാഭകരമായ 23 ഇടറോഡുകളിലൂടെ കെഎസ്ആർടിസിയുടെ ഇലക്ട്രിക് ബസുകൾ സർവീസ് നടത്തും. മേയർ വി.വി. രാജേഷ് ആണ് ഇക്കാര്യം അറിയിച്ചത്.(Electric bus service on 23 routes in Thiruvananthapuram city, says Mayor VV Rajesh)
ആകെ 29 റൂട്ടുകളാണ് കൗൺസിലർമാർ ശുപാർശ ചെയ്തത്. ഇതിൽ 23 റൂട്ടുകൾ ലാഭകരമാണെന്ന് കണ്ടെത്തി. ബാക്കിയുള്ള റൂട്ടുകളിൽ നിലവിൽ സർവീസ് ഉണ്ടാകില്ല. ശനിയാഴ്ച മുതൽ ഈ റൂട്ടുകളിലൂടെ ബസുകൾ ഓടിത്തുടങ്ങും.
മുമ്പ് സർവീസ് നടത്തിയിരുന്നതും എന്നാൽ ചില കാരണങ്ങളാൽ നിർത്തിവെച്ചതുമായ റൂട്ടുകളും പുതിയ പട്ടികയിൽ ഉൾപ്പെടുത്തിയിട്ടുണ്ട്. ലാഭകരമാണെന്ന് കണ്ടെത്തിയ റൂട്ടുകളിലാണ് സർവ്വീസ് നടത്തുന്നതെന്ന് മേയർ പറഞ്ഞു.
