കോഴിക്കോട്: ഗോവിന്ദപുരം സ്വദേശി ദീപക്കിന്റെ ആത്മഹത്യയിൽ അറസ്റ്റിലായ ഷിംജിതയുടെ ജാമ്യാപേക്ഷ കോഴിക്കോട് പ്രിൻസിപ്പൽ സെഷൻസ് കോടതി നാളത്തേക്ക് പരിഗണിക്കാൻ മാറ്റി. കേസിൽ പോലീസ് റിപ്പോർട്ട് സമർപ്പിക്കാത്തതിനെത്തുടർന്നാണ് കോടതി നടപടി.(Deepak’s death, Consideration of accused Shimjitha’s bail plea postponed to tomorrow)
പ്രതിയുടെ ജാമ്യാപേക്ഷയിൽ കൃത്യമായ റിപ്പോർട്ട് ഹാജരാക്കാൻ കോടതി പോലീസിന് നിർദ്ദേശം നൽകി. കഴിഞ്ഞ ദിവസം കസ്റ്റഡിയിൽ വാങ്ങിയ ഷിംജിതയെ വിശദമായി ചോദ്യം ചെയ്തിരുന്നു. ഇന്നലെ വൈകുന്നേരം അഞ്ചു മണിയോടെ കസ്റ്റഡി കാലാവധി അവസാനിച്ചു.
ദീപക്കിന്റെ ആത്മഹത്യയിലേക്ക് നയിച്ച സാഹചര്യങ്ങളെക്കുറിച്ച് പോലീസ് വിശദമായ അന്വേഷണം നടത്തിവരികയാണ്. പ്രതിയുടെ ഫോൺ രേഖകളും മറ്റ് ഡിജിറ്റൽ തെളിവുകളും പോലീസ് ശേഖരിച്ചിട്ടുണ്ട്.
