കണ്ണൂർ: കൂത്തുപറമ്പിന് സമീപം നീർവേലിയിൽ ആളൊഴിഞ്ഞ പറമ്പിൽ നിന്ന് മൂന്ന് നാടൻ ബോംബുകൾ കണ്ടെടുത്തു. ഇന്ന് രാവിലെയാണ് സംശയാസ്പദമായ രീതിയിൽ ഇവ കണ്ടത്. തുടർന്ന് പോലീസിനെ വിവരമറിയിക്കുകയായിരുന്നു.(Bombs hidden in plastic containers found in Kannur)
വിവരമറിഞ്ഞ് കൂത്തുപറമ്പ് പോലീസും ബോംബ് സ്ക്വാഡും സ്ഥലത്തെത്തി പരിശോധന നടത്തി. മൂന്ന് പ്ലാസ്റ്റിക് പാത്രങ്ങളിലായാണ് ബോംബുകൾ സൂക്ഷിച്ചിരുന്നത്. ഇത് ബോംബുകൾ തന്നെയെന്ന് ബോംബ് സ്ക്വാഡ് സ്ഥിരീകരിച്ചു.
ഇവ നിർവീര്യമാക്കാനുള്ള നടപടികൾ പോലീസ് സ്വീകരിച്ചു. പ്രദേശത്തെ രാഷ്ട്രീയ പശ്ചാത്തലം കൂടി കണക്കിലെടുത്ത് പോലീസ് അന്വേഷണം ആരംഭിച്ചിട്ടുണ്ട്.
