കൊച്ചി: താരസംഘടനയായ ‘അമ്മ’യിലെ (AMMA) ആഭ്യന്തര തർക്കങ്ങളും ചേരിപ്പോരും പുതിയ തലത്തിലേക്ക് (Bhagyalakshmi Against Swetha Menon AMMA Dispute). സംഘടനയിലെ പവർ ഗ്രൂപ്പിനെതിരെ പരസ്യ പോരാട്ടത്തിന് താൻ തയ്യാറാണെന്ന് പ്രഖ്യാപിച്ച പ്രമുഖ നടി ശ്വേത മേനോനെതിരെ കടുത്ത വിമർശനവുമായി ഡബ്ബിംഗ് ആർട്ടിസ്റ്റും സാമൂഹിക പ്രവർത്തകയുമായ ഭാഗ്യലക്ഷ്മി രംഗത്തെത്തി. ഫേസ്ബുക്ക് പോസ്റ്റിലൂടെ ശ്വേത മേനോൻ ഉന്നയിച്ച വാദങ്ങളെ പൂർണ്ണമായി തള്ളിക്കൊണ്ടാണ് ഭാഗ്യലക്ഷ്മി തന്റെ ശക്തമായ വിയോജിപ്പ് പരസ്യമാക്കിയത്. ശ്വേത മേനോൻ ഇപ്പോൾ നടത്തുന്ന പ്രസ്താവനകൾ വെറും ഇരട്ടത്താപ്പാണെന്ന് ഭാഗ്യലക്ഷ്മി കുറ്റപ്പെടുത്തി.
ശ്വേത മേനോൻ പറയുന്ന പവർ ഗ്രൂപ്പിന്റെ ഭാഗം തന്നെയാണ് യഥാർത്ഥത്തിൽ അവരുമെന്ന് ഭാഗ്യലക്ഷ്മി ഫേസ്ബുക്കിൽ കുറിച്ചു. “മലയാള സിനിമയിലെ ഒരു നടി ആക്രമിക്കപ്പെട്ടപ്പോൾ നിങ്ങൾ എവിടെയായിരുന്നു? അന്നും നിങ്ങൾ ഇതേ സംഘടനയുടെ മുൻനിരയിൽ ഉണ്ടായിരുന്നല്ലോ. അന്ന് അവൾക്ക് വേണ്ടി നിങ്ങൾ എപ്പോഴെങ്കിലും ശബ്ദം ഉയർത്തിയോ? ചലച്ചിത്ര മേഖലയിലെ സ്ത്രീകളുടെ സുരക്ഷയ്ക്കായി ഹേമ കമ്മിറ്റി റിപ്പോർട്ട് പുറത്തുവന്നപ്പോഴും അതിനെത്തുടർന്ന് വലിയ ചർച്ചകൾ ഉണ്ടായപ്പോഴും നിങ്ങളുടെ നിഴൽ പോലും എവിടെയും കണ്ടില്ലല്ലോ,” എന്ന് ഭാഗ്യലക്ഷ്മി രൂക്ഷമായ ഭാഷയിൽ ചോദ്യങ്ങൾ ഉന്നയിച്ചു.
അമ്മ സംഘടനയിലെ ഒരു വിഭാഗം നേതാക്കൾക്കെതിരെ കടുത്ത ആരോപണങ്ങളുമായി ശ്വേത മേനോൻ പങ്കുവെച്ച ഫേസ്ബുക്ക് പോസ്റ്റാണ് നിലവിലെ വിവാദങ്ങൾക്ക് ആധാരം. തന്റെ പോരാട്ടം ‘അമ്മ’യ്ക്കുള്ളിൽ തന്നെയുള്ള ശക്തമായ പവർ ഗ്രൂപ്പിനെതിരെയാണെന്നായിരുന്നു ശ്വേതയുടെ പ്രധാന വാദം. ഒരു സാധാരണ സ്ത്രീ എന്ന നിലയിൽ വലിയ സ്വാധീനമുള്ള ഈ പവർ ഗ്രൂപ്പിനെ ഒറ്റയ്ക്ക് നേരിടാൻ തനിക്ക് പെട്ടെന്ന് സാധിക്കില്ലെന്നും, എന്നാൽ തന്റെ നിരന്തരമായ നിയമ-സാമൂഹിക പോരാട്ടത്തിലൂടെ ഈ ഗ്രൂപ്പിന്റെ യഥാർത്ഥ മുഖം പൊതുസമൂഹത്തിന് മുന്നിൽ തുറന്നുകാട്ടപ്പെടുമെന്നും ശ്വേത മേനോൻ പറഞ്ഞിരുന്നു.
ഇതിനുപുറമേ, ‘അമ്മ’യുടെ ഔദ്യോഗിക ഫണ്ടിൽ ചില പ്രമുഖർ ചേർന്ന് നടത്തിയ വലിയ സാമ്പത്തിക തിരിമറികൾ താൻ കൃത്യമായി കണ്ടെത്തിയിട്ടുണ്ടെന്നും ശ്വേത വെളിപ്പെടുത്തി. ഈ സാമ്പത്തിക അഴിമതിയെ ചോദ്യം ചെയ്ത അന്ന് മുതൽ തന്നെ വ്യക്തിപരമായി അധിക്ഷേപിക്കാനും കരിയർ നശിപ്പിക്കാനും സംഘടനയ്ക്കുള്ളിൽ നിന്നും ആസൂത്രിതമായ ശ്രമം തുടങ്ങിയതായും താരം ആരോപിക്കുന്നു. അമ്മയിലെ പാവപ്പെട്ട കwriteലാകാരന്മാർക്ക് കൈനീട്ടം നൽകുന്നതിനും മറ്റ് ക്ഷേമപ്രവർത്തനങ്ങൾക്കുമായി വിവിധ സ്റ്റേജ് ഷോകളിലൂടെയും പരിപാടികളിലൂടെയുമാണ് പണം ശേഖരിക്കുന്നത്. ആ പണം തരുന്ന് ഒരു ഹിന്ദുവാണോ, ക്രിസ്ത്യാനിയാണോ, മുസ്ലിമാണോ അതോ അംബാനിയോ അദാനിയോ ആണോ എന്നൊന്നും നോക്കാറില്ല. തന്നെ എത്രയൊക്കെ നിശബ്ദയാക്കാൻ ശ്രമിച്ചാലും നീതിക്കായുള്ള പോരാട്ടത്തിൽ നിന്നും ഒരടി പോലും പിന്നോട്ട് പോകില്ലെന്നും ശ്വേത മേനോൻ ഫേസ്ബുക്ക് പോസ്റ്റിലൂടെ കൂട്ടിച്ചേർത്തു. ശ്വേതയുടെ ആരോപണങ്ങൾക്ക് പിന്നാലെ ഭാഗ്യലക്ഷ്മിയും രംഗത്തെത്തിയതോടെ സിനിമയ്ക്കുള്ളിലെ തർക്കങ്ങൾ കൂടുതൽ രൂക്ഷമാകുകയാണ്.
Story Summary: Dubbing artist Bhagyalakshmi launched a scathing attack on actress Swetha Menon over her Facebook post claiming to fight against the ‘power group’ within the actors’ association AMMA. Bhagyalakshmi directly criticized Swetha, stating that she herself was part of the same power group and questioned her silence when a fellow actress was assaulted and during the Hema Committee report release. Earlier, Swetha Menon had posted that she had uncovered financial irregularities in AMMA’s funds, which led to her facing personal humiliation from the influential group within the organization.
