ആലുവ അദ്വൈതാശ്രമത്തിൽ മോഷണം നടത്തിയ പ്രതി പിടിയിൽ

ആലുവ: അദ്വൈതാശ്രമത്തിൽ മോഷണം നടത്തിയ കേസിൽ പ്രതി പിടിയിൽ. കോലഞ്ചേരി ചക്കുങ്ങൽ വീട്ടിൽ അജയകുമാറിനെയാണ് (42) ആലുവ പോലീസ് പിടികൂടിയത്. നിരവധി മോഷണങ്ങളടക്കം പതിനഞ്ചോളം കേസിലെ പ്രതിയാണിയാൾ. മോഷണം നടത്തിക്കിട്ടുന്ന പണംകൊണ്ട് ലഹരിവസ്തുക്കൾ വാങ്ങി ഉപയോഗിക്കലാണ് ഇയാളുടെ പതിവ്. 

കഴിഞ്ഞ 11ന് ജയിൽമോചിതനായ ഇയാൾ 15ന് രാവിലെ ഏഴുമണിയോടെയാണ് ആശ്രമത്തിലെത്തിയത്. തുടർന്ന് അവിടെ കുറച്ചു സമയം ചിലവഴിച്ച ശേഷം മോഷണം നടത്തി കടന്നു കളയുകയായിരുന്നു. മോഷണമുതൽ ഇതര സംസ്ഥാനക്കാരായ ആക്രി പെറുക്കുന്ന തൊഴിലാളികൾക്ക് വിൽക്കുകയും ചെയ്തു.