തിരുവനന്തപുരം: കോൺഗ്രസ് സ്ഥാനാർത്ഥി പട്ടികയിൽ നിന്ന് ഒഴിവാക്കപ്പെട്ട കെ. സുധാകരന്റെ അടുത്ത നീക്കം ഉറ്റുനോക്കി രാഷ്ട്രീയ കേരളം. എംപിമാർ മത്സരിക്കേണ്ടതില്ലെന്ന ഹൈക്കമാൻഡ് തീരുമാനത്തെത്തുടർന്ന് കണ്ണൂർ സീറ്റ് നിഷേധിക്കപ്പെട്ട സുധാകരൻ, മണ്ഡലത്തിൽ സ്വതന്ത്ര സ്ഥാനാർത്ഥിയാകുമോയെന്നാണ് ഏവരും ഉറ്റുനോക്കുന്നത്. (K Sudhakaran in deep dissatisfaction, BJP monitoring Congress’ moves)
നീക്കങ്ങൾ അറിഞ്ഞതിന് ശേഷം മാത്രമേ ബിജെപി തങ്ങളുടെ പട്ടിക പുറത്തുവിടൂ എന്നാണ് വിവരം. ഡൽഹിയിലെ ഫ്ലാറ്റിൽ തുടരുന്ന കെ. സുധാകരൻ ഇന്ന് ഉച്ചയ്ക്ക് 12 മണിക്ക് മാധ്യമങ്ങളെ കാണും. സീറ്റ് നിഷേധിക്കപ്പെട്ടതിൽ കടുത്ത അതൃപ്തിയിലുള്ള അദ്ദേഹം ഹൈക്കമാൻഡ് തീരുമാനത്തെ പരസ്യമായി വെല്ലുവിളിക്കുമോ അതോ പാർട്ടിയിൽ തന്നെ തുടരുമോ എന്നത് ഈ വാർത്താസമ്മേളനത്തോടെ വ്യക്തമാകും.
