അഹമ്മദാബാദ്: ഐ.പി.എൽ 2026 കിരീടപ്പോരാട്ടത്തിൽ ടോസ്സ് നഷ്ടപ്പെട്ട് ആദ്യം ബാറ്റിംഗിന് ഇറങ്ങിയ ഗുജറാത്ത് ടൈറ്റൻസിന് പവർപ്ലേയിൽ തന്നെ കനത്ത തിരിച്ചടി (IPL Final Shubman Gill Sai Sudharsan Out). ടോസ്സ് നേടി ഫീൽഡിംഗ് തിരഞ്ഞെടുത്ത റോയൽ ചലഞ്ചേഴ്സ് ബംഗളൂരുവിന്റെ ബൗളർമാർ തുടക്കത്തിൽ തന്നെ തങ്ങളുടെ ആധിപത്യം ഉറപ്പിച്ചു. ഗുജറാത്തിന്റെ വിശ്വസ്തരായ രണ്ട് ഓപ്പണർമാരെയും പവർപ്ലേ ഓവറുകളിൽ തന്നെ പുറത്താക്കാൻ ആർ.സി.ബിക്ക് കഴിഞ്ഞു. നായകൻ ശുഭ്മാൻ ഗില്ലിനെ പത്തോടു കൂടി ജോഷ് ഹേസൽവുഡ് മടക്കിയപ്പോൾ, തൊട്ടുപിന്നാലെ 12 റൺസെടുത്ത സായ് സുദർശനെ ഭുവനേശ്വർ കുമാർ വിക്കറ്റ് കീപ്പർ ജിതേഷ് ശർമ്മയുടെ കൈകളിൽ എത്തിച്ചു. മത്സരത്തിന്റെ ആദ്യ ഓവറിൽ തന്നെ ഡി.ആർ.എസ് റിവ്യൂവിലൂടെ സായ് സുദർശൻ ഔട്ട് വിളിക്കപ്പെടുന്നതിൽ നിന്ന് കഷ്ടിച്ച് രക്ഷപ്പെട്ടിരുന്നുവെങ്കിലും ആയുസ്സ് നീട്ടിക്കൊണ്ടുപോകാൻ ആർ.സി.ബി ബൗളർമാർ അനുവദിച്ചില്ല.
അവസാന വിവരങ്ങൾ ലഭിക്കുമ്പോൾ അഞ്ച് ഓവറിൽ രണ്ട് വിക്കറ്റ് നഷ്ടത്തിൽ 39 റൺസ് എന്ന നിലയിലാണ് ഗുജറാത്ത് ടൈറ്റൻസ്. നിലവിൽ ക്രീസിലുള്ള ജോസ് ബട്ലറും നിശാന്ത് സിന്ധുവുമാണ് തകർച്ചയിൽ നിന്നും ഗുജറാത്തിനെ കരകയറ്റാൻ ഇപ്പോൾ ശ്രമിക്കുന്നത്. തുടർച്ചയായ രണ്ടാം കിരീടം ലക്ഷ്യമിട്ടിറങ്ങുന്ന ആർ.സി.ബിയുടെ ക്യാപ്റ്റൻ രജത് പതിധാറിന്റെ തന്ത്രപരമായ ബോളിംഗ് മാറ്റങ്ങളാണ് തുടക്കത്തിൽ തന്നെ ഗുജറാത്തിനെ പ്രതിരോധത്തിലാക്കിയത്. ഭുവനേശ്വർ കുമാറും ജോഷ് ഹേസൽവുഡും ഓരോ വിക്കറ്റുകൾ വീതം വീഴ്ത്തി ആർ.സി.ബിക്ക് കളിയിൽ പൂർണ്ണ മേധാവിത്വം നൽകി കഴിഞ്ഞു. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ തടിച്ചുകൂടിയ പതിനായിരക്കണക്കിന് ആരാധകരെ ആവേശത്തിലാഴ്ത്തുന്ന തുടക്കമാണ് നിലവിലെ ചാമ്പ്യന്മാരായ ബംഗളൂരുവിന് ലഭിച്ചിരിക്കുന്നത്.
Summary: Gujarat Titans suffered a major blow in the powerplay of the IPL 2026 final as both openers Shubman Gill and Sai Sudharsan fell early against Royal Challengers Bengaluru. Opting to bowl first, Rajat Patidar’s RCB made a perfect start with pacers Josh Hazlewood and Bhuvneshwar Kumar picking up the crucial wickets. Currently, Jos Buttler and Nishant Sindhu are trying to rebuild the innings with GT positioned at 39/2 after 5 overs.
