മുംബൈ: ബാറ്റിംഗിൽ എതിരാളികളെ വിറപ്പിക്കുന്ന വൈഭവ് സൂര്യവംശി ജീവിതത്തിൽ നല്ലൊരു കുസൃതിക്കാരൻ കൂടിയാണെന്ന് തെളിയിച്ചിരിക്കുകയാണ്. വിമാനത്താവളത്തിൽ വെച്ച് ഫോട്ടോ എടുക്കാൻ വന്ന രണ്ട് കുട്ടികളോട് ഫോട്ടോ വേണമെങ്കിൽ പണം നൽകണമെന്ന് വൈഭവ് തമാശയായി പറഞ്ഞു.(I take Rs. 100 per photo, Vaibhav Sooryavanshi pranks young fans )
Baccha party always a step ahead 😂 pic.twitter.com/locrozR0Yh
— Rajasthan Royals (@rajasthanroyals) April 27, 2026
രാജസ്ഥാൻ റോയൽസ് പങ്കുവെച്ച വീഡിയോയിൽ, രണ്ട് കുട്ടികൾ വൈഭവിനൊപ്പം ഫോട്ടോയെടുക്കാൻ സമീപിക്കുന്നത് കാണാം. “ഞാൻ പണം വാങ്ങാറുണ്ട്, സത്യസന്ധമായി പറയുകയാണ് സഹോദരാ, ഒരു ഫോട്ടോയ്ക്ക് 100 രൂപയാകും” എന്നായിരുന്നു താരത്തിന്റെ മറുപടി. ഉടൻ തന്നെ കുട്ടികൾ 200 രൂപയുമായി തിരിച്ചെത്തി. ഇതുകണ്ട് ചിരിച്ചുകൊണ്ട് താൻ തമാശ കാട്ടിയതാണെന്ന് വൈഭവ് വെളിപ്പെടുത്തുകയും അവർക്കൊപ്പം നിന്ന് ഫോട്ടോ എടുക്കുകയും ചെയ്തു.
കളത്തിന് പുറത്തെ ഈ തമാശകൾക്കിടയിലും കളിക്കളത്തിൽ വൈഭവ് അത്യുജ്ജ്വല ഫോമിലാണ്. സൺറൈസേഴ്സ് ഹൈദരാബാദിനെതിരായ മത്സരത്തിൽ വെറും 36 പന്തിൽ നിന്ന് വൈഭവ് തന്റെ രണ്ടാം ഐപിഎൽ സെഞ്ച്വറി കുറിച്ചു. ഐപിഎൽ ചരിത്രത്തിലെ ഏറ്റവും വേഗതയേറിയ മൂന്നാമത്തെ സെഞ്ച്വറിയാണിത്.
