ന്യൂയോർക്ക്: ലോകപ്രശസ്ത ഗായിക ടെയ്ലർ സ്വിഫ്റ്റും ഹോളിവുഡ് ഇതിഹാസ സംവിധായകൻ സ്റ്റീവൻ സ്പിൽബർഗും ഒരേ ഫ്രെയിമിൽ എത്തിയ അപൂർവ നിമിഷമാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. സോംഗ്റൈറ്റേഴ്സ് ഹാൾ ഓഫ് ഫെയിം ചടങ്ങിനിടെയാണ് ആരാധകരെ അത്ഭുതപ്പെടുത്തുന്ന സംഭവം അരങ്ങേറിയത് (Taylor Swift Hands Phone to Steven Spielberg). തന്റെ പ്രതിശ്രുത വരൻ ട്രാവിസ് കെൽസിയുമൊത്ത് നൃത്തം ചെയ്യുന്നതിനിടയിൽ ആ നിമിഷങ്ങൾ പകർത്താൻ സ്വിഫ്റ്റ് ഫോൺ സ്റ്റീവൻ സ്പീൽബർഗിനെ ഏൽപ്പിക്കുകയായിരുന്നു. ഓസ്കർ ജേതാവായ സംവിധായകൻ ഒട്ടും മടിയില്ലാതെ സ്വിഫ്റ്റിന്റെയും കെൽസിയുടെയും നൃത്തം മൊബൈലിൽ പകർത്തുന്ന കാഴ്ച ആരാധകരെ അക്ഷരാർത്ഥത്തിൽ അമ്പരപ്പിച്ചിരിക്കുകയാണ്.
ഗാനരചയിതാക്കളുടെ ഹാളിലേക്ക് ഏറ്റവും പ്രായം കുറഞ്ഞ വനിത എന്ന നേട്ടത്തോടെ ടെയ്ലർ സ്വിഫ്റ്റ് തിരഞ്ഞെടുക്കപ്പെട്ടത് ഈയിടെയാണ്. ചടങ്ങിൽ സ്വിഫ്റ്റിനെ പരിചയപ്പെടുത്തിയത് സ്റ്റീവൻ സ്പീൽബർഗ് ആയിരുന്നു. “ഗാനങ്ങൾ എങ്ങനെയാണ് നമ്മുടെ ആത്മാവിൽ പതിയുന്നത് എന്ന് എനിക്കറിയാം, ടെയ്ലറിന് നമ്മളെ എല്ലാവരെയും അത്ര നന്നായി അറിയാം” എന്ന് സ്പീൽബർഗ് സ്വിഫ്റ്റിനെക്കുറിച്ച് വാചാലനായി. അദ്ദേഹത്തിന്റെ പ്രസംഗത്തിന് മറുപടിയായി, താൻ ഭാവനയിൽ വിശ്വസിക്കാൻ തുടങ്ങിയത് സ്പീൽബർഗിനെ പോലുള്ളവരുടെ കൃതികൾ കണ്ടതുകൊണ്ടാണെന്ന് സ്വിഫ്റ്റ് പറയുകയുണ്ടായി.
സ്വന്തം സംഗീത സ്വപ്നങ്ങൾ സാക്ഷാത്കരിക്കാൻ കുടുംബം നടത്തിയ ത്യാഗങ്ങളെ കുറിച്ചും താരം വികാരാധീനയായി സംസാരിച്ചു. പെൻസിൽവാനിയയിൽ നിന്ന് നാഷ്വില്ലിലേക്ക് മുഴുവൻ കുടുംബവും താമസം മാറിയതിനെക്കുറിച്ച് പരാമർശിച്ച ടെയ്ലർ, തന്റെ കരിയറിനായി മാതാപിതാക്കളും സഹോദരനും നൽകിയ പിന്തുണ ഒരിക്കലും മറക്കാനാകില്ലെന്നും വ്യക്തമാക്കി. ചടങ്ങിൽ ടെയ്ലർ സ്വിഫ്റ്റിന്റെയും ട്രാവിസ് കെൽസെയുടെയും അമ്മമാരായ ആൻഡ്രിയ സ്വിഫ്റ്റും ഡോണ കെൽസെയും സന്നിഹിതരായിരുന്നു. കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തിൽ നടന്ന ചടങ്ങിലെ സ്പിൽബർഗിന്റെ സാന്നിധ്യവും ടെയ്ലറുമായുള്ള സൗഹൃദ നിമിഷങ്ങളും ആരാധകർക്കിടയിൽ ശ്രദ്ധ നേടുകയാണ്.
Summary: At the recent Songwriters Hall of Fame induction gala in New York, pop superstar Taylor Swift shared an unforgettable moment with legendary director Steven Spielberg. While dancing with her fiancé, NFL star Travis Kelce, Swift handed her phone to Spielberg, who happily filmed the couple. Swift was honored at the event as the youngest woman ever to be inducted into the Songwriters Hall of Fame.
