മുംബൈ: ബോക്സ് ഓഫീസിൽ ചരിത്രം സൃഷ്ടിച്ച് ‘സ്പൈഡർമാൻ: ബ്രാൻഡ് ന്യൂ ഡേ’. റിലീസ് ചെയ്ത ആദ്യ ദിനം തന്നെ ‘അവഞ്ചേഴ്സ്: എൻഡ്ഗെയിം’ സ്ഥാപിച്ച റെക്കോർഡ് തകർത്ത്, ഇന്ത്യയിൽ ഏറ്റവും വലിയ ഓപ്പണിങ് നേടുന്ന വിദേശ ചിത്രം എന്ന റെക്കോർഡ് സ്പൈഡർമാൻ സ്വന്തമാക്കി. ആദ്യ ദിനം മാത്രം 72.44 കോടി രൂപയാണ് ($7.6 മില്യൺ) ചിത്രം നേടിയത്. വ്യാഴാഴ്ച മാത്രം പത്ത് ലക്ഷത്തോളം ആളുകളാണ് തിയേറ്ററുകളിൽ എത്തിയത്.(Spider Man: Brand New Day breaks Avengers Endgame box office record in India)
നാല് ദിവസത്തെ വിപുലമായ ഓപ്പണിങ് വീക്കെൻഡിൽ ഇന്ത്യയൊട്ടാകെയുള്ള 17,250 സ്ക്രീനുകളിൽ നിന്നായി 35.4 മില്യൺ ഡോളറിന്റെ ബിസിനസാണ് ചിത്രം നേടിയത്. പ്രമുഖ മൾട്ടിപ്ലക്സ് ശൃംഖലയായ PVR ഇനോക്സിൽ നിന്ന് മാത്രം ആദ്യ വാരാന്ത്യത്തിൽ 135 കോടിയിലധികം രൂപ സ്വന്തമാക്കി. ഇന്ത്യയിൽ ഏറ്റവും കൂടുതൽ കളക്ഷൻ നേടുന്ന എക്കാലത്തെയും വലിയ നാലാമത്തെ ഹോളിവുഡ് ചിത്രമായി സ്പൈഡർമാൻ മാറിയിട്ടുണ്ട്.
മെട്രോ നഗരങ്ങൾക്കൊപ്പം 2, 3 ടയർ നഗരങ്ങളിലും ചിത്രത്തിന് വൻ വരവേൽപ്പാണ് ലഭിച്ചത്. ഇംഗ്ലീഷിന് പുറമെ ഹിന്ദി, തെലുങ്ക്, തമിഴ് എന്നീ പ്രാദേശിക ഭാഷകളിലെ ഡബ്ബ് ചെയ്ത പതിപ്പുകൾക്ക് വൻ ജനപ്രീതി ലഭിച്ചതാണ് ഈ കൂറ്റൻ നേട്ടത്തിന് പിന്നിൽ. പ്രത്യേകിച്ച് ഹിന്ദി പതിപ്പിന് 95 ശതമാനം ഒക്യുപൻസിയാണ് രേഖപ്പെടുത്തിയത്. നഗരങ്ങളിൽ ബംഗളൂരുവിൽ നിന്നാണ് ഏറ്റവും കൂടുതൽ കളക്ഷൻ (23%) ലഭിച്ചത്. ഹൈദരാബാദ് (17%), മുംബൈ (15%), ഡൽഹി (14%) എന്നിവയാണ് തൊട്ടുപിന്നിൽ.
Story Summary
‘Spider-Man: Brand New Day’ achieved a historic box office opening in India, shattering the first-day records previously held by ‘Avengers: Endgame’. Earning 72.44 crore INR on its first day, the film quickly became the fourth highest-grossing Hollywood release of all time in the Indian market.
