കൊച്ചി : താൻ നേരിടുന്ന കടുത്ത ആരോഗ്യപ്രശ്നങ്ങളെക്കുറിച്ച് വെളിപ്പെടുത്തി രേണു സുധി പങ്കുവെച്ച വീഡിയോ സോഷ്യൽ മീഡിയയിൽ വലിയ ചർച്ചയാകുന്നു. കിടക്കയിൽ എഴുന്നേറ്റ് ഇരിക്കാൻ പോലും കഴിയാത്ത, അതീവ ഗുരുതരാവസ്ഥയിലാണ് താനെന്നും, ശാരീരികമായ തളർച്ച തന്നെ വല്ലാതെ തളർത്തുന്നുണ്ടെന്നും രേണു വീഡിയോയിലൂടെ പറയുന്നു.(Renu Sudhi emotional video about her health struggles)
തീരെ വയ്യ, എഴുന്നേറ്റ് നിൽക്കാൻ പറ്റുന്നില്ല, തല നേരെ നിൽക്കുന്നില്ല,എന്ന് വികാരാധീനയായാണ് രേണു സംസാരിക്കുന്നത്. തുടർച്ചയായ ഉറക്കമില്ലായ്മ, ഓർമ്മക്കുറവ്, വായിലെ കയ്പ്പ്, ചർമ്മത്തിലുണ്ടാകുന്ന ബുദ്ധിമുട്ടുകൾ എന്നിവയെല്ലാം താൻ നേരിടുന്നുണ്ടെന്ന് അവർ പറയുന്നു. ശാരീരികമായി ഇത്രയേറെ തളർന്നെങ്കിലും, പ്രിയപ്പെട്ടവരുടെ സ്നേഹം മാത്രമാണ് തന്നെ മുന്നോട്ട് നയിക്കുന്നതെന്ന് രേണു വിശ്വസിക്കുന്നു.
ഗുണം ചെയ്തില്ലെങ്കിലും ഇനിയെങ്കിലും ദ്രോഹിക്കാതിരിക്കുക. ഇതിലൂടെ കുറേ റീച്ചുണ്ടാക്കിയില്ലേ, അതുകൊണ്ട് മതിയാക്കുക, എന്നും രേണു സുധി പറയുന്നു. തന്റെ സഹോദരിയും റിതപ്പനും അനുഭവിക്കുന്ന വിഷമം തന്നെ വല്ലാതെ വേദനിപ്പിക്കുന്നുണ്ടെന്ന് രേണു പറയുന്നു. രോഗമുക്തി നേടി തിരിച്ചുവന്നാൽ ദൈവത്തിന്റെ സാക്ഷിയായി മാറണം എന്നാണ് ആഗ്രഹമെന്നും അവർ കൂട്ടിച്ചേർത്തു.
Story Summary
Actress Renu Sudhi has shared a poignant video detailing her critical health struggle, revealing that she is unable to stand or function normally due to severe physical exhaustion. She pleaded with social media users to stop negative criticism and expressed her deep desire to recover for her son and family, while hoping to dedicate her future to spiritual service.
