ചെന്നൈ: തമിഴ്നാട്ടിലെ ട്രിച്ചി ഈസ്റ്റ് മണ്ഡലത്തിൽ നടൻ രാഘവ ലോറൻസ് മത്സരിക്കാൻ ഒരുങ്ങുന്നുവെന്ന വാർത്തകൾ സോഷ്യൽ മീഡിയയിലും മാധ്യമങ്ങളിലും വലിയ ചർച്ചയാകുന്നു. താരം നേരിട്ട് തിരഞ്ഞെടുപ്പിൽ മത്സരിക്കുന്നുവെന്ന തരത്തിൽ പ്രചരിക്കുന്ന വാർത്തകളോട് പ്രതികരിച്ചുകൊണ്ട് ലോറൻസ് തന്നെ രംഗത്തെത്തിയിരിക്കുകയാണ്.(Raghava Lawrence To Announce Important Decision On June 11 Amid Election Rumors)
തന്റെ രാഷ്ട്രീയ പ്രവേശനത്തെക്കുറിച്ചും സ്ഥാനാർത്ഥിത്വത്തെക്കുറിച്ചുമുള്ള അഭ്യൂഹങ്ങൾ എല്ലാ പരിധികളും ലംഘിച്ചിരിക്കുകയാണെന്നും, ഇതിനൊരു അന്ത്യം കുറിക്കേണ്ടത് അത്യാവശ്യമാണെന്നും ലോറൻസ് എക്സ് പ്ലാറ്റ്ഫോമിൽ പങ്കുവെച്ച കുറിപ്പിൽ വ്യക്തമാക്കി. പലരും തന്നെ ബന്ധപ്പെട്ട് ഇതിനെക്കുറിച്ച് വിശദീകരണം തേടുന്ന സാഹചര്യത്തിലാണ് താരം മൗനം വെടിയുന്നത്.
തന്റെ ജീവിതത്തിലെ ഏറ്റവും സുപ്രധാനമായ ഒരു തീരുമാനത്തെക്കുറിച്ചുള്ള ഔദ്യോഗിക പ്രഖ്യാപനം ജൂൺ 11-ന് രാവിലെ 9.30-ന് നടത്തുമെന്ന് അദ്ദേഹം അറിയിച്ചു. അമ്മയുടെ അനുഗ്രഹത്തോടെയായിരിക്കും ഈ നിർണ്ണായക തീരുമാനം പ്രഖ്യാപിക്കുക എന്ന സൂചനയും താരം നൽകുന്നു. ലോറൻസിന്റെ ഈ പ്രഖ്യാപനം സിനിമാ-രാഷ്ട്രീയ കേന്ദ്രങ്ങളിൽ വലിയ ആകാംക്ഷയാണ് സൃഷ്ടിച്ചിരിക്കുന്നത്.
Story Summary
Actor and director Raghava Lawrence has addressed widespread rumors about him contesting from the Trichy East constituency in the upcoming elections. Putting an end to speculations, he announced that he will reveal a significant decision regarding his life and future path on June 11 at 9:30 AM.
