കൊച്ചി: നടി പ്രിയ മോഹനും ഭർത്താവും നടനുമായ നിഹാലും വിവാഹിതരായിട്ട് ഇന്ന് 14 വർഷം തികയുന്നു (Priya Mohan Nihal Anniversary). തന്റെ ജീവിതപങ്കാളിയെക്കുറിച്ച് ഹൃദയസ്പർശിയായ വാക്കുകളാണ് പ്രിയ ഇൻസ്റ്റാഗ്രാമിൽ കുറിച്ചത്.
“ദൈവം എനിക്ക് ഈ മനുഷ്യനെ തന്നിട്ട് ഇങ്ങനെയൊരു ഉറപ്പ് നൽകിയതുപോലെ തോന്നുന്നു. ‘ശരി ഇതാ നീ ആഗ്രഹിച്ചതെല്ലാം, നീ എപ്പോഴും പ്രാർത്ഥിച്ച വ്യക്തി’. നിന്നെ ഞാൻ എന്നെന്നും സ്നേഹിക്കുന്നു. പതിനാലാം വാർഷികാശംസകൾ,” പ്രിയ കുറിച്ചു. നിഹാലിനൊപ്പമുള്ള മനോഹരമായ ചിത്രങ്ങളും താരം പങ്കുവെച്ചിട്ടുണ്ട്.
നടിയും ഫാഷൻ ഡിസൈനറുമായ പൂർണിമ ഇന്ദ്രജിത്തിന്റെ സഹോദരിയാണ് പ്രിയ മോഹൻ. മിനിസ്ക്രീനിലൂടെ അഭിനയരംഗത്ത് എത്തിയ പ്രിയ ഇപ്പോൾ സോഷ്യൽ മീഡിയയിലും വ്ലോഗിംഗിലും സജീവമാണ്. പൃഥ്വിരാജ് ചിത്രം ‘മെമ്മറീസ്’ ഉൾപ്പെടെയുള്ള സിനിമകളിൽ ശ്രദ്ധേയമായ വേഷം ചെയ്ത നടനാണ് നിഹാൽ. ഇവർക്ക് വർധൻ എന്നൊരു മകനുണ്ട്.
വിവാഹവാർഷികം ആഘോഷിക്കുന്ന പ്രിയയ്ക്കും നിഹാലിനും ആശംസകളുമായി പൂർണിമ ഇന്ദ്രജിത്ത്, മല്ലിക സുകുമാരൻ തുടങ്ങി നിരവധി പ്രമുഖരും ആരാധകരും രംഗത്തെത്തി.
Story Summary: Television actress Priya Mohan and her husband, actor Nihal, celebrated their 14th wedding anniversary today. Priya shared an emotional note on Instagram, expressing her gratitude for having Nihal in her life. Priya, who is the sister of actress Poornima Indrajith, has transitioned from acting to social media influencing, while Nihal is known for his roles in films like ‘Memories’. The couple has a son named Vardhan.
