തിരുവനന്തപുരം: മലയാളികളുടെ പ്രിയതാരം ആസിഫ് അലിക്ക് ജന്മദിനാശംസകൾ നേർന്ന് വിദ്യാഭ്യാസ മന്ത്രി വി. ശിവൻകുട്ടി. ആസിഫിനും മകൻ ആദമിനുമൊപ്പമുള്ള ചിത്രം പങ്കുവെച്ചുകൊണ്ടാണ് മന്ത്രി തന്റെ ഫേസ്ബുക്ക് പേജിലൂടെ ആശംസകൾ അറിയിച്ചത്.മന്ത്രിയുടെ കുറിപ്പിലെ ‘രഹസ്യം’ ആണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.(Minister V Sivankutty’s Variety Birthday Wishes for Asif Ali)
ആസിഫിന്റെ മകൻ ആദം ഒരു കൊച്ചു നിർദ്ദേശം തന്നുവെന്ന് സൂചിപ്പിച്ചുകൊണ്ടാണ് മന്ത്രിയുടെ പോസ്റ്റ് തുടങ്ങുന്നത്. ആ രഹസ്യ നിർദ്ദേശം എന്താണെന്ന് ആസിഫ് തന്നെ പിന്നീട് എപ്പോഴെങ്കിലും നിങ്ങളോട് പങ്കുവെയ്ക്കുമായിരിക്കുമെന്ന് മന്ത്രി കുറിച്ചു.
ഈ ചിത്രം ചുരുങ്ങിയ സമയത്തിനുള്ളിൽ തന്നെ നിരവധിയാളുകൾ ഏറ്റെടുത്തു കഴിഞ്ഞു. രോഹിത് വി.എസ് സംവിധാനം ചെയ്യുന്ന ‘ടിക്കി ടാക്ക’ എന്ന ചിത്രമാണ് ആസിഫിന്റേതായി അണിയറയിൽ ഒരുങ്ങുന്നത്.
