കൊച്ചി: ബേസിൽ ജോസഫ്, ടൊവിനോ തോമസ്, വിനീത് ശ്രീനിവാസൻ എന്നിവർ കേന്ദ്ര കഥാപാത്രങ്ങളായി തകർത്തഭിനയിച്ച മൾട്ടിസ്റ്റാർ ചിത്രം ‘അതിരടി’ ആഗോള ബോക്സ് ഓഫീസിൽ 50 കോടി ക്ലബിൽ ഇടംനേടി (Athiradi box office collection day 6). തിയേറ്ററുകളിൽ റിലീസ് ചെയ്ത് വെറും 6 ദിവസങ്ങൾ കൊണ്ടാണ് ചിത്രം ഈ വമ്പൻ നേട്ടം സ്വന്തമാക്കിയത്. കേരളത്തിൽ നിന്ന് മാത്രം ചിത്രം 25 കോടി കളക്ഷനിലേക്ക് അടുക്കുകയാണ്. മെയ് 22-ന് ചിത്രത്തിന്റെ തമിഴ് പതിപ്പ് കൂടി എത്തുന്നതോടെ കളക്ഷൻ റിക്കോർഡുകൾ പുതിയ ഉയരങ്ങളിലെത്തുമെന്നാണ് സിനിമാ ലോകത്തെ വിലയിരുത്തൽ.
മെയ് 14-ന് ആഗോള റിലീസായി എത്തിയ ചിത്രത്തിന്റെ മലയാളം പതിപ്പിന് ബോക്സ് ഓഫീസിൽ ഗംഭീര തുടക്കമാണ് ലഭിച്ചത്.
ആദ്യ ഷോ കഴിഞ്ഞപ്പോൾ മുതൽ മികച്ച പ്രേക്ഷക-നിരൂപക പ്രശംസകൾ നേടിയ ചിത്രം കേരളത്തിലെ നിറഞ്ഞ സദസ്സുകളിലാണ് പ്രദർശനം തുടരുന്നത്.
ഈ വർഷം ഒരു മലയാള ചിത്രം നേടുന്ന ഏറ്റവും വലിയ മൂന്നാമത്തെ ആഗോള ഓപ്പണിംഗ് ആണ് അതിരടി സ്വന്തമാക്കിയത്.
മാത്രമല്ല, 2026-ൽ റിലീസ് ചെയ്ത് 50 കോടി ക്ലബിലെത്തുന്ന നാലാമത്തെ മലയാള ചിത്രം കൂടിയായി അതിരടി മാറി.
കേരളത്തിന് പുറമേ, റെസ്റ്റ് ഓഫ് ഇന്ത്യ (ROI) മാർക്കറ്റിലും വിദേശത്തും ഗംഭീര ബോക്സ് ഓഫീസ് പ്രകടനമാണ് ചിത്രം നടത്തുന്നത്. ഒരു പക്കാ മാസ്സ് കോമഡി ക്യാമ്പസ് ഫെസ്റ്റിവൽ ചിത്രമായെത്തിയ ‘അതിരടി’ യുവതലമുറയെയും കുടുംബപ്രേക്ഷകരെയും ഒരുപോലെ ആകർഷിച്ചാണ് മുന്നേറുന്നത്. ആദ്യാവസാനം ചിരിയും ആക്ഷനും നിറഞ്ഞതാണ് ചിത്രത്തിന്റെ ഇതിവൃത്തം.
നവാഗതനായ അരുൺ അനിരുദ്ധൻ സംവിധാനം ചെയ്ത ചിത്രം ഡോ. അനന്തു എന്റർടൈൻമെന്റിന്റെ ബാനറിൽ ഡോ. അനന്തു എസും, ബേസിൽ ജോസഫ് എന്റർടൈൻമെന്റിന്റെ ബാനറിൽ ബേസിൽ ജോസഫും ചേർന്നാണ് നിർമ്മിച്ചത്. പ്രശസ്ത സംവിധായകനും ഛായാഗ്രാഹകനുമായ സമീർ താഹിറും ടൊവിനോ തോമസുമാണ് ചിത്രത്തിന്റെ കോ-പ്രൊഡ്യൂസർമാർ.
ബേസിൽ ജോസഫ്, വിനീത് ശ്രീനിവാസൻ, ടൊവിനോ തോമസ്, ഷാൻ റഹ്മാൻ എന്നിവരുടെ കോമ്പോ തന്നെയാണ് ചിത്രത്തിന്റെ പ്രധാന ആകർഷണം. കൂടാതെ റിയ ഷിബു, സരിൻ ഷിഹാബ്, വിഷ്ണു അഗസ്ത്യ, ദർശന രാജേന്ദ്രൻ, ജിയോ ബേബി, വിനീത് തട്ടിൽ എന്നിവരും നിരവധി പുതുമുഖങ്ങളും ചിത്രത്തിൽ അണിനിരക്കുന്നു.
പോൾസൺ സ്കറിയയും അരുൺ അനിരുദ്ധനും ചേർന്നാണ് ചിത്രത്തിന് തിരക്കഥയൊരുക്കിയത്.മലയാളം, തമിഴ് കൂടാതെ തെലുങ്ക്, കന്നഡ ഭാഷകളിലും ചിത്രം ഉടൻ റിലീസ് ചെയ്യും. ഗൾഫ് രാജ്യങ്ങളിൽ ട്രൂത്ത് ഗ്ലോബൽ ഫിലിംസ് ആണ് ചിത്രം വിതരണത്തിന് എത്തിച്ചത്. സാമുവൽ ഹെൻറി ഛായാഗ്രഹണവും വിഷ്ണു വിജയ് സംഗീതവും നിർവ്വഹിച്ച ചിത്രത്തിന്റെ എഡിറ്റിംഗ് ചമൻ ചാക്കോയാണ് കൈകാര്യം ചെയ്തിരിക്കുന്നത്. പിആർഒ: വൈശാഖ് സി വടക്കെവീട്, ജിനു അനിൽകുമാർ.
Story Summary (English): The multi-starrer Malayalam movie ‘Athiradi’, starring Basil Joseph, Tovino Thomas, and Vineeth Sreenivasan, has crossed the ₹50 crore mark at the global box office within just 6 days of its release. The film is also nearing ₹25 crore in Kerala alone. Directed by debutant Arun Anirudhan, the mass campus comedy-thriller secured the third-biggest global opening for a Malayalam cinema in 2026. The movie’s Tamil version is set to release on May 22, which is expected to boost its dream run.
