ഡെമോക്രാറ്റിക് റിപ്പബ്ലിക് ഓഫ് കോംഗോയിലെ വനമേഖലയിൽ പുതിയൊരു കുരങ്ങ് വർഗത്തെ കണ്ടെത്തി. ‘കൊളോബസ് കോംഗോയെൻസിസ്’ (Colobus congoensis) എന്ന് ശാസ്ത്രീയമായി പേരിട്ടിരിക്കുന്ന ഈ കുരങ്ങുകൾക്ക് ചുണ്ടിന് ചുറ്റുമുള്ള ഓറഞ്ച് നിറത്തിലുള്ള പാടുകളാണ് പ്രധാന സവിശേഷത (Congo New Monkey Species). കോംഗോയിലെ ലോമാമി നാഷണൽ പാർക്കിലാണ് ഇവയെ കണ്ടെത്തിയത്. കഴിഞ്ഞ 75 വർഷത്തിനിടെ ആഫ്രിക്കയിൽ കണ്ടെത്തുന്ന അഞ്ചാമത്തെ പുതിയ കുരങ്ങ് വർഗമാണിത്.
കറുത്ത രോമങ്ങളും ചുണ്ടിന് ചുറ്റുമുള്ള ഇളം നിറത്തിലുള്ള പാടുകളുമാണ് ഇവയെ മറ്റ് കുരങ്ങുകളിൽ നിന്ന് വ്യത്യസ്തമാക്കുന്നത്. വളരെ ശാന്തസ്വഭാവക്കാരായ ഇവ മനുഷ്യരിൽ നിന്ന് ഒഴിഞ്ഞുമാറി ജീവിക്കാൻ ഇഷ്ടപ്പെടുന്നവരാണ്. പ്രാദേശിക ഭാഷയിൽ ഇവയെ ‘ലിക്വേലി’ (Likweli) എന്നും ‘കസബ എൻകോണി’ (kasaba nkoni – ശാഖകൾ കുലുക്കുന്നവൻ) എന്നും വിളിക്കാറുണ്ട്. ഗർജ്ജനം പോലുള്ള ശബ്ദമുണ്ടാക്കിയാണ് ഇവ ആശയവിനിമയം നടത്തുന്നത്.
ഈ പുതിയ കുരങ്ങ് വർഗത്തെ വംശനാശഭീഷണി നേരിടുന്ന ജീവികളുടെ പട്ടികയിൽ ഉൾപ്പെടുത്തണമെന്ന് ഗവേഷകർ നിർദ്ദേശിക്കുന്നു. മനുഷ്യവാസകേന്ദ്രങ്ങളുടെ വ്യാപനവും വനനശീകരണവും ഇവയുടെ നിലനിൽപ്പിന് വലിയ ഭീഷണിയാണെന്ന് പഠനം മുന്നറിയിപ്പ് നൽകുന്നു. 2008-ലാണ് ഇവയെക്കുറിച്ച് ആദ്യമായി സൂചനകൾ ലഭിക്കുന്നത്. തുടർന്ന് 2018-നും 2022-നും ഇടയിൽ 114 തവണ ഇവയെ നേരിൽ കാണുകയും ശാസ്ത്രീയമായി സ്ഥിരീകരിക്കുകയും ചെയ്തു.
Summary: A new primate species, Colobus congoensis, has been discovered in the Lomami National Park of the Democratic Republic of Congo. Characterized by distinctive orange-hued markings around its mouth, this “quiet and cryptic” monkey is only the fifth new primate species identified in Africa in the last 75 years, though researchers are already calling for its inclusion on the endangered species list due to habitat loss.
