തൃശൂർ: മുണ്ടത്തിക്കോട്ടെ പടക്കനിർമ്മാണ ശാലയിൽ ചൊവ്വാഴ്ച ഉച്ചയ്ക്ക് മൂന്ന് മണിയോടെ ആരംഭിച്ച സ്ഫോടന പരമ്പരകൾ മണിക്കൂറുകൾ പിന്നിട്ടിട്ടും പൂർണ്ണമായി നിയന്ത്രിക്കാനായിട്ടില്ല (Mundathikode Explosion Update). തിരുവമ്പാടി വിഭാഗത്തിനായി വെടിക്കെട്ട് സാമഗ്രികൾ ഒരുക്കിയിരുന്ന കേന്ദ്രത്തിലാണ് ഈ ദാരുണ സംഭവമുണ്ടായത്.
നിലവിലെ സ്ഥിതിഗതികൾ
വെടിക്കെട്ട് പുരയുടെ അഞ്ച് കൂടാരങ്ങളിലായി സൂക്ഷിച്ചിരുന്ന കരിമരുന്ന് മാറിമാറി പൊട്ടിത്തെറിക്കുന്നതിനാൽ അഗ്നിരക്ഷാ സേനയ്ക്ക് ഉൾഭാഗത്തേക്ക് കടക്കാനായിട്ടില്ല. നിലവിൽ ദൂരെ നിന്ന് വെള്ളം സ്പ്രേ ചെയ്ത് തീ നിയന്ത്രിക്കാനാണ് ശ്രമിക്കുന്നത്. സ്ഫോടനത്തിൽ 6 മരണം ഇതിനോടകം സ്ഥിരീകരിച്ചു. എന്നാൽ പടക്കപ്പുരയുടെ അവശിഷ്ടങ്ങൾക്കിടയിൽ മുപ്പതോളം പേർ അകപ്പെട്ടിട്ടുണ്ടാകാമെന്നാണ് നാട്ടുകാരും രക്ഷാപ്രവർത്തകരും ഭയപ്പെടുന്നത്. സമീപപ്രദേശങ്ങളിൽ ശരീരഭാഗങ്ങൾ ചിതറിക്കിടക്കുന്ന നിലയിലാണ്.
പരിക്കേറ്റ എട്ടുപേരെ നിലവിൽ തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്. ഇതിൽ ചിലരുടെ നില അതീവ ഗുരുതരമാണ്. സ്ഫോടനത്തിന്റെ ആഘാതത്തിൽ കിലോമീറ്ററുകളോളം പ്രകമ്പനം അനുഭവപ്പെട്ടു. പടക്കനിർമ്മാണ ശാലയ്ക്ക് പുറത്തേക്ക് വെടിമരുന്ന് തെറിച്ചു വീണിട്ടുണ്ടാകാനുള്ള സാധ്യതയും അധികൃതർ പരിശോധിക്കുന്നുണ്ട്.
ഈ മാസം 24-ന് നടക്കേണ്ട സാമ്പിൾ വെടിക്കെട്ടിനും 27-ലെ പ്രധാന വെടിക്കെട്ടിനുമുള്ള കരിമരുന്നാണ് ഇവിടെ ശേഖരിച്ചിരുന്നത്. തൃശൂർ പൂരത്തിന് തൊട്ടടുത്ത ദിവസങ്ങളിൽ ഉണ്ടായ ഈ ദുരന്തം നഗരത്തെയും പൂരപ്രേമികളെയും ഒരേപോലെ കണ്ണീരിലാഴ്ത്തിയിരിക്കുകയാണ്. വടക്കാഞ്ചേരിയിൽ നിന്നും തൃശൂരിൽ നിന്നുമുള്ള കൂടുതൽ അഗ്നിരക്ഷാ യൂണിറ്റുകൾ സ്ഥലത്തെത്തിയിട്ടുണ്ട്.
Story Summary: Rescue operations are struggling at the site of a massive explosion in a fireworks manufacturing unit in Mundathikode, Thrissur. Three deaths have been confirmed, and there are fears that around 30 people may be trapped under the debris. Continuous explosions have prevented rescuers from reaching the core area. The unit was preparing fireworks for the upcoming Thrissur Pooram festival.
