ന്യൂഡൽഹി: കകർദൂമയിൽ ഭാര്യയെ കുത്തിക്കൊലപ്പെടുത്തിയ ഭർത്താവ് മണിക്കൂറുകൾക്കുള്ളിൽ പിടിയിൽ. 35-കാരനായ അനുജ് ജോഷിയാണ് ഭാര്യ സോനം ജോഷിയെ (30) കൊലപ്പെടുത്തിയ കേസിൽ അറസ്റ്റിലായത്. ഇരുവരും തമ്മിലുള്ള കുടുംബപ്രശ്നങ്ങളും, ഭാര്യയ്ക്ക് അവിഹിത ബന്ധമുണ്ടെന്ന ഭർത്താവിന്റെ സംശയവുമാണ് കൊലപാതകത്തിലേക്ക് നയിച്ചതെന്ന് പോലീസ് അറിയിച്ചു.(Man arrested for stabbing wife to death in East Delhi)
കഴിഞ്ഞ കുറച്ചു ദിവസങ്ങളായി സോനം തന്റെ നാത്തൂന്റെ വീട്ടിലായിരുന്നു താമസിച്ചിരുന്നത്. ഇവിടെ വെച്ച് ഉറങ്ങിക്കിടക്കുകയായിരുന്ന ഭാര്യയെ അനുജ് ജോഷി കത്തിയുപയോഗിച്ച് കുത്തിക്കൊലപ്പെടുത്തുകയായിരുന്നു. ജൂൺ 28-നാണ് സംഭവം നടന്നത്. സോനം മുറിക്കുള്ളിൽ രക്തത്തിൽ കുളിച്ചുകിടക്കുന്നു എന്ന വിവരം ലഭിച്ചതിനെത്തുടർന്ന് പോലീസ് സംഘം സ്ഥലത്തെത്തിയെങ്കിലും, അപ്പോഴേക്കും യുവതി മരണപ്പെട്ടിരുന്നു.
ശരീരത്തിൽ പലയിടത്തും കുത്തേറ്റ മുറിവുകൾ ഉണ്ടായിരുന്നതായി പോലീസ് വ്യക്തമാക്കി. സംഭവസ്ഥലത്ത് വെച്ചുതന്നെ സോനം മരിച്ചതായി സ്ഥിരീകരിച്ചു. കേസെടുത്ത് അന്വേഷണം ആരംഭിച്ച ഡൽഹി പോലീസ്, കൃത്യം നടത്തിയ അനുജ് ജോഷിയെ ഉടൻ തന്നെ കസ്റ്റഡിയിലെടുത്തു.
Story Summary
A 35-year-old man, Anuj Joshi, was arrested in East Delhi for stabbing his 30-year-old wife, Sonam Joshi, to death while she was asleep at her sister-in-law’s residence. The police reported that the crime was driven by the husband’s suspicion of an extramarital affair.
