ന്യൂഡൽഹി: പൂനെയിലെ പ്രമുഖ വ്യവസായി കേതൻ അഗർവാളിനെ പ്രതിശ്രുത വധു സിയ ഗോയലും കാമുകനും ചേർന്ന് കൊക്കയിലേക്ക് തള്ളിയിട്ട് കൊലപ്പെടുത്തിയ കേസിൽ ഞെട്ടിക്കുന്ന വിവരങ്ങൾ പുറത്ത്. മേഘാലയയിൽ മുൻപ് നടന്ന രാജ രഘുവംശി കൊലപാതകക്കേസിന്റെ വിശദാംശങ്ങൾ ഇന്റർനെറ്റിൽ തിരഞ്ഞ്, അതിൽ നിന്നും പാഠങ്ങൾ ഉൾക്കൊണ്ടാണ് സിയയും കാമുകൻ ചേതൻ ചൗധരിയും ചേർന്ന് ഈ ക്രൂരമായ കൊലപാതകം ആസൂത്രണം ചെയ്തതെന്ന് പൂനെ പോലീസ് വ്യക്തമാക്കി.(Ketan Agarwal murder case, Fiancee Siya Goyal Planned Crime)
ലോഹഗഡ് കോട്ടയിലേക്ക് ട്രെക്കിംഗിന് കൊണ്ടുപോയാണ് ഇവർ കേതനെ കൊക്കയിലേക്ക് തള്ളിയിട്ടത്. അപകടമരണമെന്ന് വരുത്തിത്തീർക്കാൻ പഴുതുകളില്ലാത്ത അലിബികൾ പ്രതികൾ ചമച്ചിരുന്നു. എന്നാൽ മുൻപ് മേഘാലയയിൽ സോനം രഘുവംശി എന്ന സ്ത്രീ ഭർത്താവായ രാജ രഘുവംശിയെ കൊക്കയിലേക്ക് തള്ളിയിട്ട് കൊന്ന കേസിൽ വരുത്തിയ തെറ്റുകൾ ആവർത്തിക്കാതിരിക്കാൻ സിയ പ്രത്യേകം ശ്രദ്ധിച്ചിരുന്നതായി പോലീസ് പറഞ്ഞു. സിയയുടെ മൊബൈൽ ഫോൺ പരിശോധിച്ചപ്പോഴാണ് രാജ രഘുവംശി കൊലക്കേസിന്റെ വാർത്തകൾ ഇവർ നിരന്തരം വായിച്ചിരുന്നതായി കണ്ടെത്തിയത്. ഒറ്റയ്ക്ക് തള്ളിയാൽ കേതൻ താഴേക്ക് വീഴില്ലെന്ന് ഉറപ്പുള്ളതിനാൽ സിയയും കാമുകനും ചേർന്നാണ് കേതനെ ഒന്നിച്ച് കൊക്കയിലേക്ക് തള്ളിയത്.
പോലീസ് കസ്റ്റഡിയിൽ എടുത്താൽ സ്ത്രീകളെ മർദ്ദിക്കുമോ എന്നും വനിതാ തടവുകാരുടെ അവകാശങ്ങൾ എന്തൊക്കെയാണെന്നും സിയ ഗൂഗിളിൽ തിരഞ്ഞിരുന്നതായി കണ്ടെത്തിയിട്ടുണ്ട്. വീട്ടുകാരുടെ നിർബന്ധത്തിന് വഴിയുള്ള വിവാഹത്തിൽ നിന്നും രക്ഷപ്പെടാൻ വേണ്ടിയാണ് സിയ ഈ ക്രൂരതയ്ക്ക് മുതിർന്നത്. നിലവിൽ ജുഡീഷ്യൽ കസ്റ്റഡിയിലുള്ള പ്രതികൾക്ക് തങ്ങൾ ചെയ്ത ക്രൂരതയിൽ യാതൊരുവിധ പശ്ചാത്താപവുമില്ലെന്ന് അന്വേഷണ ഉദ്യോഗസ്ഥർ പറഞ്ഞു. കേതന്റെ മരണത്തിൽ ബന്ധുക്കൾ പ്രകടിപ്പിച്ച സംശയങ്ങളും കഠിനമായ ചോദ്യം ചെയ്യലുമാണ് ഒടുവിൽ കേസിൽ നിർണായക വഴിത്തിരിവായത്.
Story Summary
The Pune police investigation into the murder of businessman Ketan Agarwal by his fiancee Siya Goyal and her boyfriend Chetan Chaudhary has revealed shocking details. The accused reportedly researched the previous Raja Raghuvanshi murder case in Meghalaya to plot a seamless crime, pushing Ketan off a cliff at Lohagad Fort. They also searched for female prisoners’ rights before committing the crime.
