തിരുവനന്തപുരം: സോഷ്യൽ മീഡിയയിലൂടെ മുഖ്യമന്ത്രിയെ അപമാനിച്ച് പോസ്റ്റിട്ടെന്ന പേരിൽ ഹയർ സെക്കൻഡറി സ്കൂൾ പ്രിൻസിപ്പലിനെ സസ്പെൻഡ് ചെയ്ത നടപടി അടിയന്തിരമായി പിൻവലിക്കാൻ നിർദ്ദേശിച്ച് മുഖ്യമന്ത്രി വി.ഡി. സതീശൻ (CM V D Satheesan school principal suspension revoked). ആറ്റിങ്ങൽ മോഡൽ ഹയർ സെക്കൻഡറി സ്കൂൾ പ്രിൻസിപ്പൽ എസ്. ജവാദിനെതിരെ എടുത്ത കടുത്ത അച്ചടക്ക നടപടിയാണ് മുഖ്യമന്ത്രി നേരിട്ട് ഇടപെട്ട് റദ്ദാക്കാൻ പൊതുവിദ്യാഭ്യാസ വകുപ്പിനോട് ആവശ്യപ്പെട്ടിരിക്കുന്നത്.
വിഷയത്തിൽ മുഖ്യമന്ത്രി വി.ഡി. സതീശനോ അദ്ദേഹത്തിന്റെ ഔദ്യോഗിക ഓഫീസോ യാതൊരുവിധ പരാതിയും നൽകിയിരുന്നില്ലെന്ന് മുഖ്യമന്ത്രിയുടെ ഓഫീസ് വ്യക്തമാക്കി. പുറത്തുനിന്നുള്ള ചില വ്യക്തികൾ നൽകിയ പരാതിയുടെ അടിസ്ഥാനത്തിൽ പൊതുവിദ്യാഭ്യാസ ഡയറക്ടർ (ഡി.ജി.ഇ) വെള്ളിയാഴ്ചയാണ് പ്രിൻസിപ്പലിനെ അന്വേഷണവിധേയമായി സസ്പെൻഡ് ചെയ്ത് ഉത്തരവിറക്കിയത്.
ദീർഘകാലത്തെ ഔദ്യോഗിക സർവീസിന് ശേഷം ജവാദ് സർവീസിൽ നിന്നും ഔദ്യോഗികമായി വിരമിക്കാൻ വെറും രണ്ട് ദിവസം മാത്രം ബാക്കിനിൽക്കെയാണ് വകുപ്പുതലത്തിൽ ഇത്തരമൊരു കടുത്ത നടപടിയുണ്ടായത്. സസ്പെൻഷൻ നിലനിന്നാൽ അത് അധ്യാപകന്റെ വിരമിക്കൽ ആനുകൂല്യങ്ങളെയും പെൻഷനെയും ദോഷകരമായി ബാധിക്കുമെന്ന മാനുഷിക പരിഗണന വെച്ചാണ് മുഖ്യമന്ത്രിയുടെ ഈ അടിയന്തിര ഇടപെടൽ. ജനാധിപത്യ സമൂഹത്തിൽ വിമർശനങ്ങൾ സ്വാഭാവികമാണെന്നും, വിരമിക്കൽ ഘട്ടത്തിൽ ഒരു അധ്യാപകനെ ബുദ്ധിമുട്ടിക്കാൻ താൻ ആഗ്രഹിക്കുന്നില്ലെന്നും വ്യക്തമാക്കിയാണ് മുഖ്യമന്ത്രി സസ്പെൻഷൻ പിൻവലിക്കാൻ കർശന നിർദ്ദേശം നൽകിയത്. ഇതോടെ ജവാദിന് തടസ്സങ്ങളില്ലാതെ സർവീസിൽ നിന്നും വിരമിക്കാൻ സാധിക്കും.
Story Summary: Chief Minister V.D. Satheesan has directed the General Education Department to revoke the suspension of Attingal Model HSS Principal S. Jawad, who was suspended for a defamatory Facebook post against the CM. Satheesan intervened considering that the teacher had only two days left for retirement and neither the CM nor his office had filed any complaint.
