കൊച്ചി: കനത്ത മഴയ്ക്കും പ്രളയഭീതിക്കുമിടയിൽ തോട്ടിൽ നിന്ന് വിചിത്രമായ വെളിച്ചം കണ്ടത് എറണാകുളം പിറവം പാലച്ചുവട്ടിൽ വലിയ പരിഭ്രാന്തി സൃഷ്ടിച്ചു. രാത്രി പന്ത്രണ്ടരയോടെ പാലച്ചുവട് ആനിത്തോട്ടിലാണ് സംഭവം. തോട്ടിന്റെ അടിത്തട്ടിൽ നിന്നും ഉയർന്ന വെളിച്ചം കണ്ട് നാട്ടുകാർ ഉടൻ തന്നെ അഗ്നിരക്ഷാസേനയെ വിവരം അറിയിക്കുകയായിരുന്നു.(Submerged LED Bulb In Piravom Canal Triggers Midnight Rescue Mission Panic)
തോടിന്റെ ആഴവും കുത്തൊഴുക്കും കാരണം നാട്ടുകാർ വെള്ളത്തിലിറങ്ങാൻ ഭയന്നതോടെ ഫയർഫോഴ്സ് ഉദ്യോഗസ്ഥരായ മഹേഷും ബാബുവും സാഹസികമായി തോട്ടിലിറങ്ങി മുങ്ങിത്തപ്പുകയായിരുന്നു. വെള്ളത്തിനടിയിൽ മുങ്ങി തിരച്ചിൽ നടത്തിയ ഉദ്യോഗസ്ഥർക്ക് ലഭിച്ചത് ഒഴുകിയെത്തിയ ഒരു എൽഇഡി ബൾബായിരുന്നു!
വെള്ളത്തിനടിയിലും ബൾബ് തെളിഞ്ഞുനിന്നതാണ് നാട്ടുകാരിൽ സ്കൂട്ടറിന്റെ ലൈറ്റാണെന്ന സംശയമുണ്ടാക്കിയത്. വലിയ ദുരന്തമൊന്നും സംഭവിച്ചിട്ടില്ലെന്നും ഒരു ചെറിയ എൽഇഡി ബൾബാണ് തങ്ങളെ മണിക്കൂറുകളോളം ആശങ്കയുടെ മുൾമുനയിൽ നിർത്തിയതെന്നും മനസ്സിലായതോടെ വലിയ ആശ്വാസത്തിലാണ് നാട്ടുകാരും അഗ്നിരക്ഷാസേനയും മടങ്ങിയത്.
Story Summary
During heavy rains in Piravom, Ernakulam, a mysterious underwater light in a swollen canal raised suspicion of a scooter accident. Fire and Rescue personnel dived into the surging water only to discover a functioning LED bulb that had floated down and caused the panic.
