ആലപ്പുഴ: കുമാരപുരത്ത് പെയ്തിറങ്ങിയ കനത്ത കാറ്റിലും മഴയിലും കൂറ്റൻ ആഞ്ഞിലിമരം വീടിന് മുകളിലേക്ക് കടപുഴകി വീണ് വൻ നാശനഷ്ടം. കുമാരപുരം ഏഴാം വാർഡിൽ അമ്പിയിൽ കിഴക്കതിൽ മണികണ്ഠന്റെ വീടിനുമുകളിലേക്കാണ് ശനിയാഴ്ച പുലർച്ചെ രണ്ടുമണിയോടെ സമീപത്തെ പുരയിടത്തിൽ നിന്ന മരം പതിച്ചത്.(Tree uprooted on house in Harippad mother and daughter miraculous escape)
അപകടത്തിൽ വീടിന് മുകളിലെ റൂഫിങ് ഷീറ്റുകൾ പൂർണ്ണമായും തകർന്നു. മരം വീഴുന്നതിന്റെ വൻ ശബ്ദം കേട്ട് മുറിക്കുള്ളിൽ ഉറങ്ങിക്കിടന്ന അമ്മയും മകളും തൽക്ഷണം പുറത്തേക്ക് ഇറങ്ങിയോടിയതിനാലാണ് വൻ ദുരന്തം ഒഴിവായത്.
ഇരുവരും പരിക്കുകളില്ലാതെ അത്ഭുതകരമായി രക്ഷപ്പെടുകയായിരുന്നു. മരം കടപുഴകി വീണതിനെ തുടർന്ന് സമീപത്തെ ലൈനുകൾ പൊട്ടി വൈദ്യുതി ബന്ധവും വിച്ഛേദിക്കപ്പെട്ടിട്ടുണ്ട്. വിവരമറിഞ്ഞതിനെ തുടർന്ന് റവന്യൂ ഉദ്യോഗസ്ഥർ സ്ഥലത്തെത്തി നാശനഷ്ടങ്ങൾ വിലയിരുത്തി തുടർനടപടികൾ സ്വീകരിച്ചു.
Story Summary
A large tree uprooted and fell onto a house during heavy rain and strong winds in Kumarapuram near Harippad. The mother and daughter sleeping inside miraculously escaped unharmed after running out upon hearing the noise, though the house roof was completely destroyed.
