തിരുവനന്തപുരം: എയ്ഡഡ് സ്കൂൾ അധ്യാപക നിയമനത്തിലെ ഭിന്നശേഷി സംവരണവുമായി ബന്ധപ്പെട്ട് എൻഎസ്എസിന് അനുകൂലമായ സുപ്രീം കോടതി വിധി സംസ്ഥാനത്തെ എല്ലാ എയ്ഡഡ് മാനേജ്മെന്റുകൾക്കും ബാധകമാക്കാൻ സർക്കാർ തീരുമാനിച്ചു. നിയമസഭയിൽ ചട്ടം 300 പ്രകാരം വിദ്യാഭ്യാസ മന്ത്രി വി. ശിവൻകുട്ടിയാണ് ഇത് സംബന്ധിച്ച സുപ്രധാന പ്രഖ്യാപനം നടത്തിയത്.(Disability reservation, Government says NSS case verdict will be applicable to all aided managements)
എൻഎസ്എസിന് അനുകൂലമായി വന്ന വിധി മറ്റ് എയ്ഡഡ് മാനേജ്മെന്റുകൾക്കും കൂടി ലഭ്യമാക്കണമെന്ന ആവശ്യം സർക്കാർ കോടതിയിൽ ഉന്നയിക്കുകയും അതിന് അംഗീകാരം ലഭിക്കുകയുമായിരുന്നു. 2017 മുതലുള്ള മുൻകാല നിയമനങ്ങളിൽ ഭിന്നശേഷി സംവരണം നടപ്പിലാക്കുന്നതിൽ മാനേജ്മെന്റുകൾക്ക് വലിയ ഇളവുകൾ ലഭിച്ചേക്കും.
ഈ പ്രഖ്യാപനത്തോടെ, നിരവധി അധ്യാപക നിയമനങ്ങൾക്ക് അംഗീകാരം ലഭിക്കാൻ വഴിയൊരുങ്ങും. സർക്കാരിന്റെ കർശന നിലപാടിനെതിരെ ക്രിസ്ത്യൻ മാനേജ്മെന്റുകൾ ഉൾപ്പെടെയുള്ളവർ ശക്തമായ സമരവുമായി രംഗത്തെത്തിയിരുന്നു.
