ന്യൂഡൽഹി: നീറ്റ് ചോദ്യപേപ്പർ ചോർച്ചയിൽ പ്രതിഷേധിച്ച് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ട് പാർലമെന്റ് വളപ്പിൽ പ്രതിപക്ഷ കക്ഷികളുടെ ശക്തമായ പ്രതിഷേധം. കോൺഗ്രസ് അധ്യക്ഷൻ മല്ലികാർജുൻ ഖാർഗെ, ജനറൽ സെക്രട്ടറി പ്രിയങ്ക ഗാന്ധി വദ്ര എന്നിവരുടെ നേതൃത്വത്തിലാണ് പ്രതിപക്ഷ എം.പിമാർ പ്രതിഷേധ സംഗമം സംഘടിപ്പിച്ചത്. ‘ബർഖാസ്ത് കരോ പ്രധാൻ കോ’ എന്നെഴുതിയ ബാനറുകൾ ഉയർത്തി സർക്കാരിനെതിരെ അവർ മുദ്രാവാക്യം വിളിച്ചു. അതേസമയം, സി ജെ പി പ്രതിനിധികൾ ചർച്ചയ്ക്കായി കോൺസ്റ്റിട്യൂഷൻ ക്ലബ്ബിലെത്തി.(Lok Sabha Adjourned For The Day Amid Opposition Sloganeering)
നീറ്റ് ചോദ്യപേപ്പർ ചോർച്ച വിഷയത്തിൽ കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ടുള്ള പ്രതിപക്ഷ ബഹളത്തെ തുടർന്ന് ലോക്സഭാ നടപടികൾ ഇന്നത്തേക്ക് പൂർണ്ണമായി നിർത്തിവെച്ചു. ലോക്സഭാ പ്രതിപക്ഷ നേതാവ് രാഹുൽ ഗാന്ധി ഉൾപ്പെടെയുള്ള മുതിർന്ന എം.പിമാരുടെ നേതൃത്വത്തിൽ പ്രതിപക്ഷം സഭയുടെ നടുത്തളത്തിലിറങ്ങി ശക്തമായ മുദ്രാവാക്യം വിളികളോടെ പ്രതിഷേധിച്ചതോടെയാണ് സഭാ നടപടികൾ നിർത്തിവെക്കാൻ നിർബന്ധിതമായത്.
സഭയുടെ അന്തസ്സും അച്ചടക്കവും പാലിക്കണമെന്ന് സ്പീക്കറും അധ്യക്ഷവേദിയിലുണ്ടായിരുന്നവരും ആവർത്തിച്ച് അഭ്യർത്ഥിച്ചെങ്കിലും പ്രതിപക്ഷാംഗങ്ങൾ പ്രതിഷേധത്തിൽ നിന്ന് പിന്നോട്ട് പോകാൻ തയ്യാറായില്ല. ബഹളം രൂക്ഷമായതോടെ ഇന്നത്തെ ദിവസത്തേക്ക് സഭ നിർത്തിവെക്കുന്നതായി അറിയിക്കുകയായിരുന്നു. ഇനി വരും തിങ്കളാഴ്ച രാവിലെ 11 മണിക്കായിരിക്കും ലോക്സഭ വീണ്ടും സമ്മേളിക്കുക.
Story Summary
The Lok Sabha was adjourned for the day as Opposition MPs, led by Leader of Opposition Rahul Gandhi, continued their intense sloganeering demanding Education Minister Dharmendra Pradhan’s resignation over the NEET paper leak controversy. Despite repeated appeals to maintain House decorum, the relentless protests forced the adjournment, with the House set to reconvene on Monday, July 27, at 11 a.m.
