നടൻ ധ്യാൻ ശ്രീനിവാസൻ തമിഴ്നാട് മുഖ്യമന്ത്രി സി. ജോസഫ് വിജയിയെക്കുറിച്ച് നടത്തിയ പരാമർശങ്ങൾ വീണ്ടും സമൂഹമാധ്യമങ്ങളിൽ വലിയ ചർച്ചയാകുന്നു. താൻ മുഖ്യമന്ത്രിയായാൽ ചെയ്യേണ്ട കാര്യങ്ങളെക്കുറിച്ച് ഒരു അവാർഡ് ചടങ്ങിൽ ധ്യാൻ നടത്തിയ തമാശരൂപേണയുള്ള മറുപടിയാണ് ഇപ്പോൾ തമിഴ് സോഷ്യൽ മീഡിയയിൽ വൈറലാകുന്നത്. (Dhyan Social Media Backlash)
അവാർഡ് ചടങ്ങിൽ അവതാരകയുടെ ചോദ്യത്തിന് മറുപടിയായി, താൻ ആദ്യം ‘അമ്മ’യുടെ പ്രസിഡന്റാകുമെന്നും അതിനുശേഷം മുഖ്യമന്ത്രിയാകുമെന്നും ധ്യാൻ പറയുന്നു. “13 വർഷത്തിന് ശേഷം ജോസഫ് വിജയ് ‘എൻഡ്രും നാൻ’ എന്ന് പറഞ്ഞ് വരും. പുള്ളി ചെയ്തതൊന്നും ഞാൻ ചെയ്യില്ല, അതൊക്കെ മോശമാണ്,” എന്ന് ചിരിച്ചുകൊണ്ട് ധ്യാൻ പറയുന്ന വീഡിയോയാണ് ഇപ്പോൾ തമിഴ് ആരാധകർ കുത്തിപ്പൊക്കിയത്.
Not sure whats wrong with this asshole Dhyan Sreenivasan pic.twitter.com/uCr3dORgzx
— 90’s-OG (@ursNomad) July 18, 2026
നേരത്തെ, താൻ മുഖ്യമന്ത്രിയായാൽ നവ്യ നായർ സാരിയുടുത്ത് മുന്നിലുണ്ടാകണം എന്ന് ധ്യാൻ പറഞ്ഞത് വലിയ പ്രതിഷേധങ്ങൾക്ക് കാരണമായിരുന്നു. ഈ വീഡിയോയ്ക്ക് പിന്നാലെ പഴയ വീഡിയോ കൂടി വൈറലായതോടെ, തമിഴ്നാട് മുഖ്യമന്ത്രിയെ പരിഹസിക്കുന്നത് ധ്യാൻ തുടരുകയാണെന്ന് ആരോപിച്ച് ആരാധകർ സൈബർ ആക്രമണം ശക്തമാക്കിയിരിക്കുകയാണ്. പരിധിവിട്ടുള്ള ഇത്തരം തമാശകൾ അവസാനിപ്പിക്കുന്നതാണ് നല്ലതെന്ന് നിരവധി പേർ അഭിപ്രായപ്പെടുന്നു. തമിഴ് ഓൺലൈൻ ചാനലുകൾ ഈ വീഡിയോ റിപ്പോർട്ട് ചെയ്തതോടെ തമിഴ്നാട്ടിലും ധ്യാനിന്റെ സിഎം ട്രോളുകൾ ട്രെൻഡിംഗായി മാറി.
Summary: Actor Dhyan Sreenivasan is facing renewed backlash in Tamil Nadu following a resurfaced video in which he sarcastically comments on Chief Minister C. Joseph Vijay. This comes after his earlier controversial remark about having actress Navya Nair in a saree if he became Chief Minister, leading to intense cyber criticism and calls from fans to refrain from making offensive remarks about the political leader.
