തിരുവനന്തപുരം: ലോകകപ്പ് ഫുട്ബോൾ ഫൈനൽ പോരാട്ടത്തോടനുബന്ധിച്ച് കേരളത്തിന്റെ മാതൃക പിന്തുടർന്ന് കൂടുതൽ സംസ്ഥാനങ്ങൾ അവധി പ്രഖ്യാപിച്ചു (World cup final holiday). ഫൈനൽ മത്സരം പ്രമാണിച്ച് കേരളത്തിന് പുറമെ വടക്കുകിഴക്കൻ സംസ്ഥാനങ്ങളായ മേഘാലയ, മണിപ്പൂർ എന്നിവിടങ്ങളിലെ എല്ലാ വിദ്യാഭ്യാസ സ്ഥാപനങ്ങൾക്കും നാളെ (തിങ്കളാഴ്ച) അവധിയായിരിക്കുമെന്ന് അധികൃതർ അറിയിച്ചു.
കേരളത്തിൽ പ്രൊഫഷണൽ കോളേജുകൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും നാളെ മുഖ്യമന്ത്രി വി.ഡി. സതീശന്റെ നിർദ്ദേശപ്രകാരമാണ് സർക്കാർ അവധി പ്രഖ്യാപിച്ചത്. ഇന്ന് രാത്രി നടക്കുന്ന ആവേശകരമായ അർജന്റീന-സ്പെയിൻ കലാശപ്പോരാട്ടം വിദ്യാർത്ഥികൾക്ക് ആശങ്കകളില്ലാതെ ആസ്വദിക്കാനാണ് ഈ തീരുമാനമെന്ന് വിദ്യാഭ്യാസ മന്ത്രി എൻ. ഷംസുദീൻ വ്യക്തമാക്കി. മുൻ വിദ്യാഭ്യാസ മന്ത്രി വി. ശിവൻകുട്ടി ഉൾപ്പെടെയുള്ളവർ അവധി നൽകണമെന്ന് ആവശ്യപ്പെട്ടിരുന്നു.
അതേസമയം, മുൻകൂട്ടി നിശ്ചയിച്ച പൊതുപരീക്ഷകൾക്ക് മാറ്റമുണ്ടായിരിക്കില്ലെന്ന് സർക്കാർ അറിയിച്ചിട്ടുണ്ട്. എന്നാൽ, നാളെ നടത്താനിരുന്ന സർവ്വകലാശാലാ പരീക്ഷകൾ കാലിക്കറ്റ്, കേരള യൂണിവേഴ്സിറ്റികൾ മാറ്റിവെച്ചിട്ടുണ്ട്. പരീക്ഷ മാറ്റിവെച്ചതിലൂടെ വിദ്യാർത്ഥികൾക്ക് ഫൈനൽ മത്സരത്തിന്റെ ആവേശം പൂർണ്ണമായി ഉൾക്കൊള്ളാനാകുമെന്നും മന്ത്രി കൂട്ടിച്ചേർത്തു.
Story Summary:
Following Kerala’s decision, the state governments of Meghalaya and Manipur have also declared a holiday for all educational institutions tomorrow in view of the FIFA World Cup final. Kerala CM V.D. Satheesan and Education Minister N. Shamsudheen confirmed the holiday to allow students to enjoy the highly anticipated Argentina-Spain thriller match tonight.
